SAN CIBRAO .- Rematou o IV Campamento de Arqueoloxía do Museo do Mar de San Cibrao no que participaron preto de 30 rapaces e rapazas. Ao acto de clausura asistiu o deputado da Área de Cultura da Deputación de Lugo, Antonio Veiga, que destacou que este tipo de actividades teñen un gran éxito e demanda por parte dos máis novos xa que permiten “aprender xogando”.
Nota de Prensa
O DEPUTADO DA ÁREA DE CULTURA DA DEPUTACIÓN, ANTONIO VEIGA, CLAUSUROU O IV CAMPAMENTO DE ARQUEOLOXÍA DO MUSEO DO MAR
O nacionalista Antonio Veiga acompañou aos nenos e nenas que desde o luns puideron achegarse ás técnicas de escavación arqueolóxica practicando nunha escavación
Lugo, 31 de xullo de 2009. O deputado da Área de Cultura da Deputación de Lugo, Antonio Veiga, clausurou esta mañá o IV Campamento de Arqueoloxía do Museo do Mar de San Cibrao, no que participaron preto de 30 rapaces e rapazas. Grazas a esta actividade, organizada pola Área de Cultura da Deputación por toda a Rede Museística Provincial, os nenos e nenas puideron experimentar e coñecer ao longo dunha semana como se realiza unha escavación arqueolóxica participando para elo dunha escavación con elementos ficticios pero realizada seguindo os pasos que se darían na realidade.
Antonio Veiga destacou que este tipo de actividades teñen un gran éxito e demanda por parte dos máis novos xa que permiten “aprender xogando”, polo que se repiten cada ano sen que diminúa o seu poder de convocatoria. Por iso considerou que desde a Área de Cultura da Deputación se debe seguir apostando pola posta en marcha de actividades estivais como esta, xa que é unha maneira de proporcionar contidos didácticos aos máis novos dunha forma lúdica e, á súa vez, permiten que os pais e nais dos nenos e nenas concilien máis facilmente a vida familiar e laboral ao teren as crianzas unha ocupación polas mañás de verán.
Este IV Campamento de Arqueoloxía que rematou hoxe no Museo do Mar de San Cibrao encádrase dentro das actividades de verán que se están a levar a cabo por toda a Rede Museística Provincial, que pon en marcha a Área de Cultura da Deputación.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
