Nota de Prensa
CERVO
REPRESENTANTES DO BNG REÚNENSE CON MEMBROS DA ANPA DO CEIP RIVERA CASAS A PETICIÓN DESTA
O BNG apoiará a concentración convocada para o venres para denunciar a prepotencia e caciquismo exercido polo PP neste asunto.
Os nacionalistas comunicaron á ANPA a presentación de varias iniciativas no Parlamento Galego.
Cervo, xoves 6 de agosto de 2009. Representantes do BNG reúnense coa ANPA do CEIP Rivera Casas, a petición desta, para recoller de primeira man os problemas que se crean a partir da aprobación polo Consello da Xunta do día 23 de xullo da integración do alumnado noutro centro. Os nacionalistas consideran que, o PP unha vez mais, toma decisións ao marxe da comunidade educativa e sen que mediara ningún diálogo cos afectados, obviando a realidade poboacional en San Cibrao e a modificación das matrículas neste centro, cun considerábel aumento para o curso 2009-2010 que pon de manifesto a preferencia dos pais e nais por matricular aos seus fillos e fillas no centro mais preto das súas vivendas, evitando a inseguridade que traerá consigo o transporte a outro centro.
OS NACIONALITAS TACHAN DE CACICADA AS FORMAS UTILIZADAS POLA CONSELLARÍA DE EDUCACIÓN NUNHA NOVA REORDENACIÓN EDUCATIVA EN SAN CIBRAO
A pretensión da Consellaría de Educación de unificar ao alumnado matriculado no CEIP Rivera Casas dentro do CEIP de Galdín, formalizado nun Consello de Goberno da Xunta e publicado o día 3 de agosto DOG, sen mediar diálogo previo coa comunidade educativa no seu conxunto, e coas matrículas xa tramitadas, fai pensar aos nacionalistas que a Consellaría de Educación, “unha vez mais, obvia todos os procedementos ordinarios e semella mais ben unha cacicada na que o goberno local non está exento de responsabilidades”. O BNG criticou que “as formas fan perder unha vez mais ao PP as razóns de fondo, aínda que entendemos a necesidade de unificar nun só centro ao conxunto do alumnado, isto non se pode facer pola forza e sen informes técnicos que avalen tal decisión”.
APOIO Á CONCENTRACIÓN DO DÍA 7 E PRESENTACIÓN DUNHA BATERIA DE PREGUNTAS E UNHA PROPOSICIÓN NON DE LEI NO PARLAMENTO GALEGO
Os representantes do BNG comunicaron á ANPA o apoio do seu grupo á concentración convocada o venres 7 no entorno do centro educativo e anunciáronlles a presentación dunha batería de preguntas e unha Proposición Non de Lei(PNL) no Parlamento Galego. Os nacionalistas queren saber, 1º En que fundamenta a Consellaría de Educación unha decisión tan precipitada e que xera tantos problemas sociais; 2º si ten prevista a Consellaría de Educación algunha obra de remodelación e mellora de instalacións para poder albergar a todo o alumnado e 3º Se a Consellaría tivo en conta a opinión do concello de Cervo para tomar a decisión de fusionar os dous centros. Por outra banda o BNG pedirá na PNL a revisión por parte da Consellaría de Educación da decisión de fusión dos dous centros e que esta revisión se faga tendo en conta a opinión tanto das dúas comunidades educativas que conforman os CEIPs Rivera Casas e Galdín e o concello de Cervo, ademais dunha solicitude dos informes técnicos que avalan a decisión da Consellaría.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
