CERVO .- Na “Queimada popular” de Cervo, que este ano celebra a trixésimo quita edición, queimaranse máis de 2.500 litros de augardente; o inicio da representación está previsto para as once e media da noite. Pola mañá celebrarase o mercado tradicional e a noitiña, antes do inicio da queimada, actuará na praza do Souto o grupo “Los Mecánicos”.
NOTA DE PRENSA
A cita terá lugar as 19.30 horas na praza do Souto da localidade, despois comezará a tradicional representación teatral na que non faltaran meigas e augardente
CERVO ACOLLE AO GRUPO LOS MECÁNICOS PARA ENCHER DE MÚSICA AS HORAS PREVIAS DA XXXI QUEIMADA POPULAR
* Músicos rockeiros ofrecerán hora e media de concerto un espectáculo inesquecible con versións das mellores cancións da década dos 60.
* Esta actividade é posible grazas ao patrocinio da concellaría de Cultura e Xuventude do Concello de Cervo e a Xunta de Galicia a través do programa CULTURA VAI.
Cervo, 20 de agosto de 2009.- O programa de actividades da XXXI edición da Queimada Popular de Cervo non deixa marxe para o aburrimento, xa que desde primeira hora da mañá existe unha ampla oferta lúdico-cultural que promete ser do agrado para os veciños e visitantes que decidan achegarse ata esta localidade e gozar con esta festividade declarada de interese turístico galego.
A primeira cita terá lugar ás 10 horas, nas distintas rúas do centro da capital cervense, e na praza do Souto, alí estará situado o Mercado tradicional que leva trece anos facendo as delicias de todos aqueles que queren retroceder no tempo e pasearse en pleno século XXI por variados postos que poñen á venda produtos típicos e artesanais tal e como se facía no pasado, e con mercaderes ataviados con roupas típicas doutros tempos. Aqueles que decidan achegarse ata o Mercado Tradicional teñen incluso a posibilidade de xantar, grazas á variada oferta da que dispoñen nos distintos postos e pasear polas rúas dunha localidade na que todos os seus veciños traballan para amenizar esta cita.
Pero a novidade principal deste ano, está na actuación musical que terá lugar nas horas previas á representación teatral da Queimada. Un espazo de tempo que ata o momento non contaba con ningunha actividade e que este sábado enchese de música da man do grupo LOS MECÁNICOS.
HOMENAXE Á MÚSICA DOS 60
Polo tanto na presente edición hai que adiantar a cita coa Queimada Popular de Cervo ata as 19.30 horas, horario no que está previsto o inicio do musical que terá lugar na praza do Souto. LOS MECÁNCIOS, ofrecerán en hora e media de concerto un espectáculo inesquecible versionando clásicos da década dos 60. A música inglesa e estadounidense de man de The Beatles, The Kinks ou Small Faces mestúrarase nun nostálxico cóctail con grupos españois e galegos da época dourada do pop como son Los Salvajes, Los Bravos, Andrés Dobarro ou Fórmula V.
Fernando Esclusa (Guru Deva), José M. Martínez “Bonham” (ex Deluxe, The Majestics) e Tito Ritmanmuchos xuntáronse o pasado ano para versionar estas cancións e foi tal o éxito que xa están gravado o seu primeiro lanzamento discográfico.
Estes empedernidos rockeiros son ao mesmo tempo veteranos músicos xa que o seu pasado musical (Deluxe, Guru Deva, Maguila, Revolujoin, Inspector Clousseau) avalan a dosis de bo pop clásico. Algo que non se pode perder para así gozar un poco máis da historia musical e das recompilacións, tan de moda nos últimos tempos
Esta actividade é posible grazas ao patrocinio da concellaría de Cultura e Xuventude do Concello de Cervo, dirixida pola edil popular Chelo Gallego e a Xunta de Galicia, a través do programa CULTURA VAI. Ambas institucións colaboran con Airiños do Xunco, a asociación cultural organizadora da Queimada Popular, para ofrecer un máis amplo programa festivo.
AUGARDENTE CONTRA O EMBRUXAMENTO
Xa na noite, sobre as 23.00 horas, será a quenda da tradicional representación teatral da Queimada Popular. Na que, como non podía ser doutro xeito, non faltarán as meigas, máis de 2.500 litros de augardente, a música das gaitas e pandeiretas e a lectura do tradicional Conxuro. A organización porá a venda máis de 3.500 cuncas, coas que degustar o brebaxe máxico que, unha vez baixe polas nosas gorxas, quedará libre dos males da nosa alma e de todo embruxamento.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
