BURELA (FNC) .- Un total de 17 restaurantes participarán nas primeiras xornadas gastronómicas do peixe espada que se desenvolverán en Burela do 9 ao 11 de outubro. A concelleira de Mar, Remedios López Villar, asegura que “éstas son as primeiras xornadas gastronómicas que se dedican o peixe espada en Burela, dende a Concellaría de Mar tentamos promocionar todos os produtos de gran calidade que se vendan no noso peirao, e ademais dar a coñecer a labor que fan os barcos espadeiros de Burela, promocionando o seus produtos a través da hostalaría.
O prezo da ración para o peixe espada á grella será de 5€ e o resto dos pratos segundo a carta de cada restaurante. Os establecementos participantes son: MESÓN BOTAFUMEIRO, PARRILLADA DE JANDRO, CASA MIRANDA, MESÓN DON JAMÓN, RESTAURANTE OS REMOS, RESTAURANTE PALACIO DE CRISTAL, PIZZERÍA PIZZBUR, CAFETERÍA LUZERN, CERVECERÍA A BODEGUILLA, MESÓN DO POETA, MESÓN HAMILTON, PARRILLADA A MARQUESA, RESTAURANTE O SARGO, CERVECERIA O TRISQUEL, CERVECERIA KIKO, RESTAURANTE TAPIÑAS e MESÓN CARLOS.
Remedios López sinala que “cada restaurante terá que levar unha degustación de peixe espada (a súa especialidade), que non poderá coincidir con ningún outro hostaleiro, nun prato ben presentado o sábado 10 de outubro á Casa do Concello de 10 a 14 horas, e tamén levará nun papel a elaboración desa receita escrita. No Concello improvisaremos, cunha empresa publicitaria, un salón fotográfico para retratar os pratos elaborados. Dende esta Concellería de Mar elaborarase un libro da gastronomía marítima de Burela Os sabores do noso mar nesta ocasión adicado ó peixe espada, que logo distribuiremos de forma gratuíta entre os hostaleiros participantes”.
A edil socialista engade que “nestas xornadas gastronómicas sortearemos unha fin de semana nun hotel termal en Galicia. A cada restaurante daráselle unha urna de cristal onde poderán votar as papeletas os comensais que degusten unha ración de peixe espada e entre todos os participantes o martes 13 de outubro sacarase un único gañador que poderá disfrutar desa fin de semana”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
