RIBADEO (FNC) .- O prazo de inscrición para participar nas escolas deportivas municipais de Ribadeo estará aberto desde mañá 15 de setembro e ata o 2 de outubro.
Este curso 2009-2010, como o ano pasado, ofértanse oito disciplinas, entre as que se atopan: fútbol, fútbol-sala, patinaxe, natación, tenis, baloncesto, ximnasia rítmica e judo. A cota por escola será de 52,25 euros e o prazo para o pagamento prolongarase ata o 16 de outubro, sendo causa de baixa na escola a falta deste ingreso.
As inscricións poderán realizarse na OMIX, emplazada no Auditorio Municipal Hernán Naval, en horario de 9:00 horas a14:00 horas. Nas escolas con límite de praza terán preferencia as persoas empadroadas ou escolarizadas en Ribadeo.
A escola municipal de natación comezará o curso o día 16 de outubro. O horario será os venres de 19:15 horas a 19:45 horas para iniciación e perfeccionamento e os sábados de 10:00 horas a 10:30 horas para perfeccionamento e de 10:30 horas a 11:00 horas para o grupo de iniciación.
A escola deportiva de fútbol-sala comezará o 1 de outubro. Os seus responsables manterán unha reunión cos pais e nais dos alumnos o luns, 28 de setembro, ás 20:00 horas no pavillón novo de Ribadeo.
O curso de tenis dará comezo o 16 de outubro e as clases terán lugar os luns e venres entre as 17:15 horas e as 19:15 horas dependendo da idade. Haberá unha xuntanza cos pais e nais o luns 5 de outubro ás 19:00 horas no Clube de Tenis de Ribadeo.
Tódolos matriculados en xudo iniciarán o curso o xoves 15 de outubro e terán clase os martes e xoves de 17:30 horas a 18:30 horas. Os que se anoten na escola deportiva de baloncesto comezarán o 1 de outubro. Impartirase os martes e xoves de 16:00 a 18:30 horas (dependendo da idade dos participantes).
A escola de patinaxe dará comezo o 15 de outubro e o horario será os martes de 17:15 horas a 18:15 horas e os xoves de 18:00 horas a 19:00 horas.
A de ximnasia rítmica comezará a adestrar o 6 de outubro, os martes e mércores de 18:00 horas a 19:00 horas e ten prevista unha reunión para o mércores 30 de setembro ás 18:00 horas no pavillón vello. E a escola deportiva municipal de fútbol fará a presentación da tempada o sábado 19 de setembro ás 12:00 horas no campo de fútbol.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
