Nota de Prensa
Reunión do Consello Comarcal do BNG.
“Mentres a comarca perde servizos e equipamentos, a incontinencia verbal do Sr. Balseiro enmudeceu”
“O PP non cumpriu ningún dos seus compromisos electorais coa comarca, exceptuando o ataque directo ao sector lácteo mediante a anulación do concurso eólico”
A Mariña, 21 de setembro de 2009. O Consello Comarcal do BNG analizou na tarde de onte a situación política da comarca dende a toma de posesión do novo goberno da Xunta de Galiza, os nacionalistas concluíron que a actuación do goberno de Feijoo “está dirixida unicamente a desmantelar o camiño andado polo anterior goberno galego, sen concretar propostas en positivo que ofrezan solucións aos problemas da Mariña, mais ben todo o contrario”. Neste marco situaron a parálise na posta en marcha de equipamentos e servizos sociais e de benestar como escolas infantís executadas polo anterior goberno ou o traslado das valoracións relativas a Lei de Dependencia fora da comarca, a inexistencia de planos de choque que amortigüen a pegada da crise en diferentes sectores económicos da comarca, ou o desmantelamento de servizos que se daban por consolidados e que lonxe de mellorar, empeoran se temos en conta os anuncios, non desmentidos, sobre a remodelación da área sanitaria da costa.
O PP NON CUMPRE COS SEUS COMPROMISOS COA COMARCA
O portavoz comarcal do BNG, Antonio Veiga, manifestou ao remate do Consello Comarcal do BNG que “para traizoar á comarca, ao PP chegáballe con facelo dende a oposición”, engadindo que “ningunha das medidas comprometidas durante a campaña electoral polos portavoces do PP foron cumpridas, coa excepción da anulación do concurso eólico con importantes consecuencias na cooperativa agro-gandeira dos Irmandiños”, manifestou Veiga. A maior abundamento, o nacionalista lembrou outros incumprimentos como o plan de choque contra a perda de emprego nas auxiliares de Alcoa, os incumprimentos de acordos da Mesa da Madeira, o recorte en servizos sociais como as valoracións da Lei de Dependencia trasladadas fora da comarca ou a non apertura de equipamentos sociais executados polo anterior goberno, así como o desmantelamento de servizos sanitarios como consecuencia da remodelación das áreas sanitarias que suporá a perda de servizos sanitarios que ate agora dábanse na comarca e a posta en cuestión de investimentos ate agora previstos e reclamados con insistencia polos portavoces do PP cando estaban na oposición.
O BNG PEDIRÁ EXPLICACIÓNS SOBRE TODOS AQUELES ASUNTOS QUE SUPOÑAN A MERMA DE SERVIZOS E A ANULACIÓN DE COMPROMISOS PENDENTES
Antonio Veiga anunciou que “o BNG non vai quedar parado diante dun goberno que semella seguir de vacacións e sumido na parálise sistemática”. “O PP lonxe de resolver os problemas dos cidadáns, empeóraos, sen aportar ningunha medida positiva ate o momento”, concretou Veiga. O BNG reclamará con insistencia planos de choque contra a crise económica nos sectores estratéxicos da comarca, así como o mantemento e mellora dos servizos públicos existentes; “ate agora detrás dos mensaxes de austeridade do goberno de Feijoo so vemos parálise e recortes no apoio aos sectores sociais mais afectados pola crise económica”, afirmou Veiga.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
