BARREIROS (FNC) .- A concelleira de Cultura, Adela Rodríguez, presentou hoxe as festas previstas para estes días no concello e os cursiños que se desenvolverán ó longo dos vindeiros meses. A edil popular manifestou que “acabamos as actividades do verán con festas en San Cosme e San Miguel. As de San Cosme son os días 26 e 27 deste mes. O 26 hai misa na Igrexa de Abaixo á unha da tarde e despois procesión e sesión vermú. E ás dez e media da noite empezará a verbena. O 27 a misa será na Igrexa de Arriba, cantada pola Coral Polifónica de Barreiros, que aínda non fixo a presentación oficial, pero pedíullelo a comisión e espero que a todo o mundo lle guste moito. A continuación tamén haberá sesión vermú, ás cinco da tarde teremos xogos infantís e ás dez e media da noite empezará a verbena”.
Adela Rodríguez segue a relatar que “as festas de San Miguel serán os días 29 e 30 de setembro. Os dous días haberá misa cantada por Chema, a continuación procesión e sesión vermu o día 29 e ás dez e media empezará a verbena. Quero convidar a todos os veciños e visitantes a que se acheguen estes días a gozar das nosas festas coas que pechamos o verán deste 2009”.
Fotografía e móbil
A concelleira de Cultura anunciou o inicio de varios cursiños para os meses de outubro e novembro. Adela Rodríguez sinalou que “teremos un curso de introdución á fotografía, que empezará o 19 de outubro. Será os luns de 5 a 7 da tarde. É un curso moi interesante para aprender a utilizar ben as nosas cámaras fotográficas e poder gardar a historia da nosa vida en fotos ben sacadas. Animo a tódalas persoas a participar aínda que non saiban nada de fotografía, porque para ensinarnos estarán as monitoras”.
Rodríguez engade que “o mesmo dia 19 de outubro, luns, ás catro da tarde presentaremos un curso de animación social, con duración indefinida e que se desenvolverá de luns a venres de 4 a 6 da tarde. Trataremos moitos temas, empezaremos coas noticias dos xornais, para saber interpretalas e comentalas. Haberá tamén xogos de mesa e abordaremos tódolos temas que se nos ocorran coa monitora. Queremos que sexa moi participativo por iso animo tanto ós homes como ás mulleres de Barreiros a que participen neste curso no que organizaremos campionatos e un sinfín de cousas”.
A Delegación de Cultura tamén ten programado un curso para aprender a manexar ben o teléfono móbil. Segundo explica Adela Rodríguez “vai dirixido a persoas maiores, teremos unha monitora gracias ó patrocinio de Telecomunicaciones del Cantábrico. Ensinaranos como mandar mensaxes, contestalos e outras funcións principais do teléfono móbil”.
A concelleira de Cultura anunciou tamén que “a asociación cultural de Reinante organiza unha excursión ás festas das San Lucas, de Mondoñedo. O 17 de outubro pon un autobús que sairá de Casa de Panta ás once da mañá e regresará de Mondoñedo ás seis da tarde. Hai que anotarse previamente e o prezo da viaxe será de cinco euros”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
