* 
CITA COA GASTRONOMÍA NO SAN FROILÁN: DEGUSTACIÓN RAZA RUBIA GALLEGA
As festas de San Froilán marcan a entrada do outono en Galicia. Son nove días nos que en Lugo só se respira a festa. Por iso, para a Deputación é unha satisfacción colaborar, a través do INLUDES, co Concello de Lugo e coa Asociación de Criadores de Raza Rubia Galega (AGRUGA) na organización da degustación desta carne que terá lugar o día 7 de outubro na Praza de Santa María, a partir das 19:30 horas.
En total, repartiranse preto de 1.000 quilos deste produto, polo que se trata dunha oportunidade única que non deben perderse os visitantes que se acheguen a Lugo nestas datas. Con esta iniciativa, a Deputación completa a excelente programación do Concello de Lugo prevista para os festexos. No hai que esquecer que a degustación dos produtos típicos tamén son unha maneira de dar a coñecer a nosa provincia e a nosa gastronomía a todos os que nos visitan con motivo das festas.
A cita gastronómica é posible grazas ó convenio de colaboración que a Deputación ten con ACRUGA desde 2007. O obxectivo do acordo é expandir a raza e establece que a Asociación deposita un número de novillas no centro de recría de raza Rubia Galega, que son compradas ós gandeiros e logo véndense Noutros puntos de España. Na actualidade, o centro da Granxa Gayoso-Castro dispón de 200 novillas que foron adquiridas por ACRUGA.
Esta colaboración que temos coa Asociación de Criadores de Raza Rubia Galega é un exemplo máis da aposta que fai a Deputación polo sector gandeiro en xeral, e que se completará o vindeiro ano coa construción do Centro de Recría de gando frisón. A infraestrutura albergará a 3.000 novillas, polo que triplicará a capacidade dos 14 existentes en Galicia e terá un investimento aproximado de 8,5 millóns de euros, preto de 1.500 millóns das antigas pesetas. Será o primeiro centro público de España e o proxecto gandeiro máis revolucionario do agro galego levado a cabo en Galicia nas últimas décadas. Estamos ante a Segunda Universidade de Veterinaria de Galicia.
Na Deputación non queremos competir cos gandeiros da provincia, nin estamos para producir leite nin carne, senón para apoiar a este sector nestes momentos de crise. Como xa ten dito o Presidente, a vaca é o ladrillo de Lugo, polo que priorizar non significa dicir que non hai cartos e mirar para outro lado, isto só ten un nome: pasarlle a factura ó gandeiros. Coa construción do Centro de Recría axudaremos a crear postos de traballo no rural e contribuiremos a garantir a continuidade das explotacións gandeiras.
Para rematar quero convidar a todas as persoas que visiten Lugo durante as Festas do San Froilán a que se acheguen ata a Praza de Santa María o día 7 de outubro, xa que se trata dunha extraordinaria oportunidade para degustar esta carne que é apreciada non só en toda España, senón tamén fóra das nosas fronteiras.
* Vicepresidenta Segunda da Deputación de Lugo
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
