A visita pola mañanciña á praia de Llás, en horas de soidade, constitue sempre unha auténtica ledicia, que hai que experimentar coa sensibilidade receptiva, para poder percibila en toda a súa dimensión.
É esa primeira hora na que o sol derrama os seus raios aínda dun bermello alaranxado, tinguindo, de insólito colorido, un espacio inmaculado que só se ve alterado polo rítmico acaneo da elegante silueta dalgunhas lanchas que, pretiño da costa, faenan coas nasas.Unha bandada de mazaricos, saltaríns e xoguetóns, precédennos nun desfile xubiloso, acompañándonos na nosa camiñada pola beiramar. As ondas morren suavemente ós nosos pés e chéganos o acompasado rumor do seu vai-ven. Unha escena de idílica beleza que pretendemos absorver, respirando fondamente.
Nestas consideracións estamos cando de súpeto prodúcese un feito inusitado: os nosos oídos perciben a doce melodía dunha gaita que soa alí, no mesmo areal, ó noso carón. Non podemos dar creto ó que os noso ollos ven: un arrogante gaiteiro lanza ó aire as notas, ledas unhas, tristeiras outras, na soidade da praia de Llás. Os melódicos sons sublímanse en marco tan excepcional e traen á nosa memoria aqueles versos de Curros Enriquez:
Músico a un tempo e poeta
algunha fada secreta
tiña con que conmovía,
pois nunca de unha palleta
saíu tan doce armonía.
Era todo él, episodio do mesmo paraíso. Si o Terrenal fose tan fermoso posiblemente Eva, absorta por tanta beleza, non caería na tentación de roer na mazá e a Humanidade sería mais feliz….
Impresionados por canto acabamos de vivir abandonamos o areal e de contado voltamos á ordinariez e á vulgaridade que cada día nos ofrece a man depredadora do home, coa danza arrítmica e irracional do cemento indiscriminado que masacra inútilmente paraxes naturais e panorámicas de singular beleza; rúas flanquedas por alturas desproporcionadas nas que a pouco os veciños de enfrente se dan a man pola ventá; espacios públicos invadidos polo monstro de formigón e asimetrías de volume que rachan coa armonía do entorno, ferindo a sensibilidade visual e o mais elemental sentido da estética, nunha carreira sen tregua hacia o máximo galardón do fesísmo.
Un panorama desolador, destructor da beleza coa que Natura tan xenerosamente dotou os nosos eidos. Por eso que, namentres o destino nolo permita, voltaremos polas mañanciñas a curarnos destas saudades na praia da nosa nenez, aínda que posiblemente nunca mais nos atopemos, na beiramar, con o gaiteiro de Llás. ¡Qué mágoa!
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
