LUGO .- O Presidente da Deputación, José Ramón Gómez Besteiro, e o Deputado de Cooperación cos Concellos, Antonio Gato Soengas, reuníronse este venres con Alcaldes de preto de 50 Concellos para abordar o novo sistema que ofrecerá o organismo provincial para a contratación conxunta do subministro eléctrico municipal. Este servizo permitirá un prezo máis económico que o actual e supoñerá un aforro significativo na factura de cada municipio. Gómez Besteiro, que previamente enviou unha carta ós 66 rexedores, agás o de Lugo porque supera os 20.000 habitantes, para informarlles sobre esta iniciativa destacou que “esta é unha nova liña de Cooperación pioneira entre as Deputacións de España. Fronte á crise o fácil é dicir non e o difícil reinventar solucións. Por iso hai 2 meses dixemos que xuntos somos máis fortes e hoxe estamos a falar dunha contratación conxunta da electricidade. No futuro daremos conta doutros servizos porque xuntos aforraramos máis”.
O titular provincial lembrou que “contratamos una asistencia técnica, e agora estamos en condicións de afirmar que as posibilidades son reais e supoñerán un importante aforro para as arcas municipais”.
Na xuntanza trasladáronse ós rexedores e representantes das Entidades Locais as medidas que deben seguir para levar a cabo a citada contratación que o organismo provincial quere iniciar no último trimestre do ano. Antonio Gato indicou que “é unha nova dimensión da Cooperación que establece a Deputación, unha vía de para lograr novos ingresos, é dicir, máis aforros. É unha iniciativa pioneira en Galicia e que xa se estudan noutras Deputacións. Concertamos unha política conxunta para decirlle ás empresas que imos da man”.
Logo de que o organismo provincial lugués anunciase este liña de Cooperación, outras administracións intentaron copiar o sistema. É o caso das Deputacións de Pontevedra e A Coruña, así como da Autonomía de Navarra, que xa contactaron coa Área de Asistencia ós Concellos para interesarse polo procedemento.
Na actualidade, un Concello medio da provincia de Lugo ten un gasto eléctrico anual de 175.000 euros. Os máis grandes superan os 500.000 e o máis pequenos da provincia ós 10.000 euros. A nova iniciativa da Deputación é posible grazas a que o Real Decreto 485/2009 do tres de abril abre a posibilidade de contratar a subministración eléctrica cunha empresa comercializadora a un prezo libremente pactado. Atendendo a este cambio na lexislación, a Deputación elaborará un prego para a contratación deste subministro naqueles Concellos que se sumen a esta iniciativa.
Procedemento a seguir
O acordo deberá ser aprobado polo Pleno de cada Concello, de xeito que se delega na Deputación a contratación deste servizo. A encomenda alcanza todo o procedemento administrativo: contratación, preparación e adxudicación definitiva. Pola súa banda, os municipios terán que formalizar o contrato coa empresa comercializadora que resulte adxudicataria da contratación centralizada efectuada pola Deputación nos termos fixados na licitación.
Esta nova liña de Cooperación cos Concellos súmase a outras emprendidas polo actual equipo de goberno e que tan bos resultados están a dar: o Fondo Extraordinario da Deputación complementario do Plan E; o novo Sistema Provincial de Recadación; a xestión da roza das estradas provinciais; a aposta da Deputación polo emprego estable, elaborando Relacións de Postos de Traballo para os Concellos; o Plan de Pequenas Infraestructuras para os municipios de 5.000 habitantes; o novo sistema de xestión catrastral, que a Deputación está ultimando e que é outro exemplo de contratación conxunta cos Concellos para aforrarlles cartos; ou a creación da rede provincial de bombeiros na que os municipios non teñen que aportar o 15% previsto inicialmente, xa que este coste é asumido pola institución provincial.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
