RIBADEO (FNC) .- O vindeiro 2 de novembro dará comenzo nas parroquias ribadenses a ximnasia de mantemento “grazas á boa disposición de todos vós e ao éxito de participación que se conseguiu desde o primeiro ano”, segundo aseguran na carta que lles enviaron o alcalde, Fernando Suárez, e o concelleiro de Deportes, Vicente Castro, aos veciños.
O prazo de inscripción xa está aberto para anotarse no Auditorio Municipal. Os interesados teñen que cubrir a ficha que lles foi remitida coa carta e entregala no Auditorio ou ben a partires do 2 de novembro ao monitor correspondente en cada parroquia. Como en anos anteriores, será preciso presentar un informe médico conforme se pode realizar a actividade física a desenvolver.
En Vilaframil a ximnasia de mantemento será os luns e os mércores de catro a cinco da tarde. En A Devesa os martes e venres de cinco a seis. En Vilausende os luns e mércores de cinco e media a seis e media da tarde. En Vilela, luns e mércores de seis e media a sete media. En Rinlo/Ove, martes e venres de seis e media a sete e media. En Vilaselán as clases serán os luns de oito a nove e os xoves de sete a oito. En Couxela, luns e mércores de oito a nove. En Cinxe, martes e venres de oito a nove. En Cedofeita serán os luns de 21:10 a 22:10 e os xoves de oito e media a nove e media, e de nove e media a dez e media. E en Remourelle as clases serán luns e mércores de nove e media a dez e media.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
