Nota de Prensa
O único que crea déficit en Cervo é o salario do alcalde e concelleiros do PP, incapaces de xestionar nada
Villares e o concelleiro de deportes contradícense nas cifras; o alcalde asegurou en abril que manter aberta á piscina supoñía 120.000 €, e 6 meses despois son 200.000 €
Para o GM Socialista o único déficit real de Cervo é o custo dos salarios do alcalde e concelleiros do PP, pola súa incapacidade de xestionar de forma axeitada os recursos cos que conta o Concello de Cervo.
A parte de mentir aos veciños, traballo que se lles da de marabilla, os argumentos empregados para salvar as críticas veciñais e dos usuarios, son absurdas e pouco cribles. O Concello non pode dicir que manter a piscina é caro, posto que se trata dun servizo público, e polo tanto o obxectivo non é a rentabilidade, senón o propio servizo en si.
Ademais, si temos que fiarnos do alcalde de Cervo, este aseverou en Abril que os gastos por ter aberta esta instalacións eran de 120.000 €, fronte aos 200.000 € que agora di o concelleiro de deportes, e polo tanto seguimos sen saber quen di a verdade en todo este asunto.
Falta de inversión
En todo caso esta cifra, non é tan importante, se temos en conta que as inversións nas instalacións municipais nos últimos 10 anos foron nulas, e que o mantemento que o Concello di asumir, non ten a dotación orzamentaria suficiente para manter en condicións óptimas as instalacións, o que favorece a súa degradación. Para mostra so fai falla ver o estado dos canalóns, paredes, escaleiras, vestiarios, grifería, etc.
Falta de Promoción
O Concello tampouco move un dedo en promocionar a piscina e desta maneira, mentres Ourense cunha piscina similar celebra campeonatos de España en distintas modalidades todos os anos, Cervo leva sen acoller un acontecemento deportivo pola pasividade do equipo de Goberno. Tampouco se incentiva o deporte da natación entre os máis pequenos, o que impide ter un club de natación similar ao que teñen noutros concellos veciños.
Polo tanto non valen escusas, senón feitos, e a culpa non a ten a piscina municipal por existir e dar servizo a mais de 500 veciños, senón a falla de iniciativa do alcalde e concelleiros do PP, que non producen polo que se lles paga, e que por certo, son bastante mais caros que o déficit da piscina Municipal.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
