BURELA (FNC) .- O alcalde de Burela, Alfredo Llano, manifesta que as obras do abastecemento de auga a Cervo e a Burela estarán totalmente rematadas entre os meses de marzo e abril. Así se puxo de manifesto na xuntanza do Consorcio da Auga celebrada esta tarde.
O rexedor contou que “había tres puntos na orde do día: aprobación da acta anterior, estado das obras e estado das contas. Analizamos os cartos que temos para os gastos de funcionamento ata o ano 2013 e que ascenden a 125.550 euros. En principio deben ser suficientes ata esa data.Tamén falamos un pouco da suba que tivo o presuposto do abastecemento de auga a Cervo e Burela, que se sitúa no 20% e chega a casi 7,2 millóns de euros que será o presuposto final”.
Llano sinalou que “as obras marchan ben, estáse a traballar nas ETAP tanto en Rúa como na Senra, xa se están rematando as canalizacións desde Riocobo e o antes posible vanse colocar as bombas. Serán dúas bombas de abastecemento de 200 kilowatios cada unha, e funcionarán cando se precise auga debido á escasez de chuvias, por sequía ou por algunha avería gorda, entón bombearase desde alí para dar abastecemento tanto a Cervo como a Burela. A obra estará totalmente rematada entre marzo e abril de 2010, salvo complicacións que poidan xurdir”.
O alcalde de Burela asegurou que “tamén analizamos o interesante que sería contratar un xerente porque unha vez que estea rematada a obra o Consorcio débese encargar das cuestións administrativas derivadas do reparto de auga a Cervo e Burela, entón cremos que é moi necesario repartir cargas entre os dous Concellos ou ben ir pensando en contratar ese xerente. Na seguinte reunión aprobaremos as contas de 2009 e 2010, hai que facer os balances e os trámites administrativos. Será en breve, dado a urxencia que requiren algúns asuntos”.
Llano engadiu que “estamos contentos porque as obras marchan a bó ritmo, consideramos que será unha grande obra tanto para Cervo como para Burela, polo tanto todo o que sexa bó para os dous Concellos será bó para os veciños e eso é o que realmente importa”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
