NOTA DE PRENSA
O Diario Oficial de Galicia publica hoxe a modificación do imposto sobre transmisións patrimoniais e actos xurídicos documentados para o fomento do acceso á vivenda e á sucesión empresarial
MOZOS MENORES DE 36 ANOS E FAMILIAS NUMEROSAS BENEFICIARANSE DUN AFORRO SUPERIOR AOS 6.000 EUROS NA COMPRA DUNHA VIVENDA
* Segundo os cálculos manexados polos populares 25.000 veciños da Mariña poderían ser potencias beneficiarios destas rebaixas de impostos autonómicos.
* Balseiro Orol contrasta as medidas do novo Goberno da Xunta coas políticas socialistas de “máis gasto e maiores impostos, mentres os países que están a saír da crise están a facer o contrario”
A Mariña lucense, 28 de outubro de 2009.- O Diario Oficial de Galicia (DOGA) publica hoxe a modificación impulsada polo novo Goberno galego do imposto sobre transmisións patrimoniais e actos xurídicos documentados dirixida ao fomento do acceso á vivenda e á facilitar e incentivar a sucesión empresarial. Segundo os cálculos manexados polos populares máis de 25.000 veciños da Mariña poderían ser potencias beneficiarios destas rebaixas de impostos, de xeito especial, mozos menores de 36 anos e familias numerosas. O texto publicado inclúe tamén nas actividades beneficiadas a sucesión empresarial, despois dunha emenda presentada polo PPdeG
FACILITAR O ACCESO A UNHA VIVENDA
Grazas a esta cambio normativo ás familias poderán acceder a un aforro superior aos 6.000 euros na compra dunha vivenda. Con esta medida ademais de contribuír á dinamización do mercado inmobiliario, e de apoiar á mocidade, o PP busca favorecer aos titulares daqueles negocios nos que o patrimonio inmobiliario constitúe un valor importante e están suxeitos ao pagamento deste tributo, facilitándolles a súa continuidade
Esta rebaixa fiscal supón pasar o 7% ao 4%, cunha redución do 43%, nas transmisións patrimoniais, mentres que nos Actos Xurídicos Documentados o imposto baixará desde o 1% actual ao 0,3% con carácter xeral (-66%) e do 0,75% vixente ao 0,3% na adquisición da primeira vivenda habitual (-50%). Ademais están medidas terá carácter retroactivo para todos aqueles que procederán á adquisición da súa vivenda habitual desde o 1 de xullo de 2009.
LIMITES PATRIMONIAIS PARA ACOLLERSE AS AXUDAS
O deputado explicou que a reforma contempla límites na aplicación das rebaixas, xa que, “non son axudas para mercar pazos”. Así, o patrimonio non debe superar os 400.000 euros nos casos de familias numerosas –máis 50.000 euros adicionais por cada membro que supere o mínimo de familia numerosa-; nin os 250.000 para os menores de 36 anos –máis 30.000 euros por cada membro adicional que conforme a unidade familiar-
O deputado salientou, ademais, que a contabilización do patrimonio é para o conxunto de persoas que utilizarán o inmoble adquirido como vivenda habitual (sexan ou non da unidade familiar), o que “evitará que se beneficien desta medida persoas con patrimonio elevado que participan na adquisición xunto con outras cun patrimonio reducido”.
No que atinxe á sucesión de negocios, esíxese que as empresas teñan o seu domicilio social en Galicia e que manteñan polo menos durante 5 anos os inmobles afectos á actividade empresarial.
APOIO ÁS FAMILIAS E DINAMIZACIÓN DA ECONOMÍA
A reforma do imposto enmárcase na serie de medidas adoptadas polo Goberno de Núñez Feijóo de dinamización da economía e apoio ás familias nos seus catro primeiros meses de xestión, que se iniciaron co Plan de Austeridade na Administración. Entre elas Balseiro subliñou o Plan de Choque contra a crise económica, o Plan Renove, o Plan de Banda Larga, o Plan Acuícola, o de vivenda, o Plan Move de infraestruturas, as medidas de apoio ao sector lácteo, ou a concesión de avais por valor de 150 millóns de euros para inxectar liquidez no tecido empresarial. “O principal compromiso de Núñez Feijóo de gobernar pensando nas persoas e na solución dos principais problemas derivados da situación económica se está a cumprir desde o primeiro momento”, afirmou.
CONTRASTE COA SUBA DE IMPOSTOS DE ZAPATERO
Balseiro Orol contrastou as medidas do novo Goberno da Xunta coas políticas socialistas de “máis gasto e maiores impostos, nun contexto no que os países que están a saír da crise están a facer o contrario”. Nese sentido, referiuse aos anuncios do Goberno de Zapatero de subir os impostos “de xeito que a xa difícil situación de tantos cidadáns agravarase ao ter que pagar a ineficiente xestión e as continuas improvisacións dos socialistas, xusto o contrario de o que hai que facer, que é defender aos cidadáns ante esa situación”, algo que é “precisamente, o que fai o Goberno de Núñez Feijóo con este tipo de medidas”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
