NOTA DE PRENSA
Paz presenta un BNG disposto a liderar o cambio en Foz
Inés Paz reelixida por unanimidade responsábel local do BNG de Foz
A Asemblea Local do Bloque Nacionalista Galego renovou o pasado venres, nunha xuntanza celebrada no seu local de Foz, o seu Consello Local procedendo a elixir de novo como Responsábel do BNG en Foz a Inés Paz Neira. A candidatura encabeza por Inés Paz, que xa viña exercendo esta responsabilidade desde o 2007, foi a única que se presentaba, sendo elixida por unanimidade. Da mesma forman parte Xoán Carlos González Basanta, Balbino Fernández López, María Xosé Alonso Otero, Elvira Árias Sante, Marco Longarela Andina, Ramón Pena Marful, Estanislao Moreda Rodríguez, Ramón Ermida Meilán e Bibiana López Iglesias, a que sumará un representante de Galiza Nova.
A afiliación do BNG de Foz valorou positivamente o traballo desenvolto polo Consello Local dirixido por Inés Paz que se traduciu nun aumento importantísimo da afiliación nacionalista no Concello e na introdución do BNG en ámbitos e territorios nos que no pasado non contaba con presenza. Na mesma liña mostraron a súa satisfación pola recente constitución no Concello de Foz, da organización xuvenil do BNG, Galiza Nova o que garante a continuidade do proxecto nacionalista.
Ines Paz que ao remate da asemblea agradeceu aos presentes a confianza depositada no Consello Local que ela dirixe afirmou que “correspóndelle a este Consello Local facer fronte a importantes retos, particularmente o proceso das eleccións municipais, que necesariamente ten que abrir as portas a un cambio político en Foz dirixido polo BNG. Non hai máis cambio que o dun Goberno Local dirixido polo BNG. Os outros, xa os coñecemos, a mesma cara no goberno, a mesma cara na oposición”. A Responsábel Local do BNG fixo fincapé en que “Foz vive unha vaga de cambio, e para que ese cambio sexa real, para que ese cambio responda as demandas das maiorías sociais, para que ese cambie se concrete en máis emprego, en máis dereitos para que menos teñen, ese cambio ten nome de BNG” para rematar afirmando que “chegou o tempo de que Foz sexa unha finca privada para beneficio de catro e se convirta nun espacio común de todos”.
Nunha clave máis interna a Responsábel Local do BNG quixo trasladar ao grupo municipal todo o apoio da militancia nacionalista de Foz “os nosos concelleiros, son os concelleiros do BNG, de todo o BNG pero fundamentalmente son a voz no Concello de todo o pobo de Foz”, na mesma liña destacou o esforzo que está a facer para que no Pleno se escoite a voz dos veciños pero tamén para que a problemática do Concello saia das catro paredes da Casa do Concello, “Foz precisa luz, máis luz, isto é transparencia”. Inés Paz quixo destacar a cohesión interna que vive a organización nacionalista e a viveza da súa vida democrática.”Malamente pode gobernar o Concello, aquelas forzas que non son capaces de gobernarse así mesmo. Malamente poden entender aos veciños de Foz, aquelas persoas que non son capaces de entenderse cos seus compañeiros de partido, malamente poden dialogar con outras forzas políticas, aquelas nas que os seus membros son incapaces de dialogar entre si”.
Xa por último Inés Paz anunciou que o BNG manterá aberto o seu local en Foz todos os días en horario de 18:30 a 20:30 para atender aos veciños de Foz naqueles aspectos que lle poidan interesar e particularmente para achegar propostas destes ao Pleno.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
