Martínez Sierra,Ramón Pernas e Nuñez Feijó na Fseta da Faba (foto:NovasXunta)
LOURENZÁ .- O presidente da Xunta participou na inauguración da Festa da Faba de Lourenzá onde fixo referencia ó “endémico illamento” de A Mariña e citou a vía de alta capacidade (VAC) da Costa Norte, da que non hai ningún tramo comezado na provincia de Lugo. Feijo tamén se referiu a que a Xunta aposta pola área sanitaria da comarca da Mariña de Lugo, que contará con novas especialidades e mellor dotación tecnolóxica.
Referencia
Feijóo amosa o apoio da Xunta para diferenciar os produtos propios e que a marca Galicia sexa sinónimo de calidade
O presidente da Xunta participou na inauguración da Festa da Faba de Lourenzá, onde felicitou aos máis de 50 produtores que conforman a Indicación Xeográfica Protexida
Aposta pola certificación e a identificación como o mellor xeito de propiciar valor engadido e incrementar a competitividade dos produtos galegos
Salienta a aposta da Xunta pola provincia de Lugo a través do Plan Impulsa-Lugo que potenciará os investimentos e a creación de emprego, e a inclusión no Plan MOVE de infraestruturas como a Vía de Alta Capacidade da Costa Norte
Feijóo amosa o apoio da Xunta para diferenciar os produtos propios e que a marca Galicia sexa sinónimo de calidade
Lourenzá (Lugo), 3 de outubro de 2009.- O presidente da Xunta, Alberto Núñez Feijóo, amosou hoxe o apoio do Goberno galego para diferenciar os produtos propios e que a marca Galicia sexa sinónimo de calidade. Así, Núñez Feijoo salientou a aposta da Xunta por darlle pulo á certificación e identificación das nosas producións agroalimentarias de calidade, “como o mellor xeito de propiciar valor engadido e, por tanto, de incrementar a nosa competitividade”.
O titular da Xunta, quen asistiu á inauguración hoxe en Lourenzá da Festa da Faba, destacou que “diferenciarnos é o camiño” para poder introducir os produtos galegos nos diferentes mercados e promover “un equilibrio real” entre o esforzo dos produtores e o beneficio económico que xera a súa actividade.
“Obviamente, son os consumidores os xuíces supremos da calidade de cada produto. Mais os poderes públicos, en estreito contacto co sector agrícola, debemos poñer os medios para que o usuario final siga confiando no prestixio acadado pola marca Galicia. Para que cando un consumidor vexa Galicia na etiqueta, vexa un sinónimo de calidade e de delicatessen”, engadiu.
Neste sentido, Feijó animou aos produtores e comercializadores “desta magnífica Faba de Lourenzá” a continuar traballando para consolidar este produto “como un dos máis senlleiros da nosa fabulosa despensa”. “Sen dúbida, os lugueses en particular e os galegos en xeral podemos sentirnos orgullosos da calidade deste froito da terra. Unha calidade, por certo, certificada pola Indicación Xeográfica Protexida, que ampara xa a máis de cincuenta produtores, e que constitúe, ademais dun garante da excelencia deste produto, un factor fundamental para apoiar a súa comercialización”, engadiu.
“Discriminación positiva” para a provincia de Lugo
O presidente da Xunta aproveitou a súa presenza en Lourenzá para ratificar o compromiso do Goberno galego coa provincia. Así, Feijoo asegurou que Lugo necesitaba unha discriminación positiva que o Goberno galego lle deu a través do Programa Impulsa-Lugo que fomenta investimentos e emprego na provincia. Confirmou, ademais, a aposta da Xunta pola área sanitaria da comarca da Mariña de Lugo, que contará con novas especialidades e mellor dotación tecnolóxica.
“Lugo requería unha mellor conexión co resto do territorio e, por iso, esta provincia ten un papel protagonista no Plan MOVE, con infraestruturas tan importantes como a Vía de Alta Capacidade da Costa Norte, que servirá para paliar o seu endémico illamento”, afirmou Feijoo, quen salientou que, con medidas como esta, “estou seguro de que daremos a Lourenzá, á Mariña e a toda a provincia de Lugo o impulso necesario para que se incorporen á Galicia única”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
