Nota de Prensa
O voceiro de Mar do Grupo Parlamentario Popular, José Manuel Balseiro, lémbralle aos socialistas que foi a lei do Bipartito a que “concentrou o rexeitamento maioritario”, mentres que a actual nace cun “respaldo unánime”
O PPdeG APLAUDE O PROXECTO DE LEI DE PESCA APROBADA ONTE POLO CONSELLO DA XUNTA PORQUE NACE DO TRABALLO CONXUNTO CO SECTOR
* “Os populares cremos na maioría de idade do sector pesqueiro, e non na necesidade de tutelalo e controlalo, algo que era unha obsesión do Bipartito”, sinala o deputado, quen lembra o intento do PSOE de eliminar a Lei de Confrarías, “descendelas á segunda división normativa e regulalas en exceso eliminando a súa liberdade de organización e funcionamento”.
Santiago, 16 de outubro de 2009.- O Partido Popular de Galicia expresa a súa satisfación polo aprobación, onte polo Consello da Xunta, do proxecto de lei de Pesca de Galicia, un texto que aplaude porque nace do traballo conxunto co sector pesqueiro, marisqueiro e acuícola.
En relación coas declaracións feitas públicas pola portavoz de Pesca do PSdeG, o voceiro de Mar do Grupo Parlamentario Popular, José Manuel Balseiro, salienta que o PSOE “vive nun mundo ao revés” e lémbralle aos socialistas que foi a lei do Bipartito a que xeraba confrontación, polémica e malestar no sector que a rexeitaba marioritariamente, mentres que a actual nace cun “respaldo unánime”. Neste senso o vociero do Mar dos populares resalta que a nova lei é apoiada polo Consello Galego de Pesca, máximo órgano asesor da Consellería do Mar, no que están representados todos os axentes, e por subsectores como o dos bateeiros, “cos que o anterior Goberno mantiña un conflicto permanente”. Balseiro resume o contraste entre ambos textos lexislativos sinalando que “a lei do Bipartito non a apoiaba ninguén salvo os políticos socialistas e nacionalistas e o proxecto actual conta co respaldo de todo o sector pesqueiro, marisqueiro e acuícola”.
“Os populares cremos na maioría de idade do sector pesqueiro, e non na necesidade de tutelalo e controlalo, algo que era unha obsesión do Bipartito”, sinala o deputado, quen lembra o intento do PSOE de eliminar a Lei de Confrarías, “descendelas á segunda división normativa e regulalas en exceso eliminando a súa liberdade de organización e funcionamento”.
PERMEX
Entre os avances do novo proxecto de lei, o portavoz popular de Mar salienta que a recuperación do permex mediante a fórmula xurídica incluída no proxecto de lei “é un avance normativo chamado a procurar grandes beneficios ao sector pesqueiro, sobre todo eliminar trabas burocráticas”, xa que o permex se establece pola vida útil da embarcación. O Goberno do PP, engade, “ofrece seguridade xurídica, mentres que socialistas e nacionalistas propoñían un salto ao baleiro eliminando este permiso de explotación pesqueira e marisqueira”.
Finalmente, José Manuel Balseiro subliña o compromiso firme e irrenunciable adquirido pola Consellería do Mar de continuar co plan de loita contra o furtivismo, un instrumento “ao servizo do sector e da explotación ordeada e sostible dos recursos”. O deputado resalta que “hai que protexer ao sector que actúa baixo o amparo da legalidade fronte á acción dos furtivos”, algo que, malia poder xerar en ocasións certos conflitos, “debe ser unha aposta clara e decidida”. Ademais insiste en que os episodios de conflito xurdidos pola acción dos Gardacotas nada teñen que ver coa aprobación da nova lei, que está ainda en trámite parlamentario. “O PSOE debe aclarar se está do lado dos furtivos, que imperou ás súas anchas na súa etapa de Goberno, ou do lado do aproveitamento sostible dos recursos e de aqueles que traballan conforme á legalidade, que son maioría”
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
