NOTA DE PRENSA
Os populares esperan que foran convincentes as palabras de Pilar Farjas desmentindo as especulacións que sobre este asunto estaban a difundir nacionalistas e socialistas “con ánimo de xerar alarma social e confundir aos veciños da Mariña”
O PP DARÁ TRASLADO DA RESPOSTA DA CONSELLEIRA, GARANTINDO A CONTINUIDADE DA ÁREA SANITARIA DA MARIÑA Á XUNTA DE PERSOAL DO HOSPITAL DA COSTA E A PLATAFORMA SANITARIA
· Balseiro empraza á Xunta de Persoal do Hospital da Costa a transmitir esta información entre os membros da Plataforma Sanitaria para “que dispoñan da información oficial da Xunta, e dos compromisos adquiridos solemnemente en sede parlamentaria”
A Mariña lucense, 15 de outubro de 2009.- O Partido Popular dará traslado á recentemente constituída Plataforma Sanitaria e á Xunta de Persoal do Hospital da Costa dun CD co vídeo da intervención da conselleira de Sanidade na sesión plenaria do Parlamento de Galicia celebrada no día de onte na que Pilar Farjas confirmou, en resposta a unha iniciativa do deputado popular Jose Manuel Balseiro, que a Xunta non ten previsto modificar o mapa sanitario galego e que, polo tanto, o novo Goberno de Feijóo garante a continuidade da área sanitaria da Mariña, o reforzo do cadro de especialidades médicas que se prestan no Hospital da Costa, e a mellora da súa dotación tecnolóxica e do seu cadro de persoal.
CREDIBILIDADE
Jose Manuel Balseiro espera que as palabras da conselleira desmentindo as especulacións que sobre este asunto estaban a difundir nacionalistas e socialistas “con ánimo de xerar alarma social e confundir aos veciños da Mariña lucense” gocen de toda credibilidade “pois foron realizadas dun xeito oficial e solemene no Parlamento de Galicia”. Neste senso insiste que malia que persistan nesta estratexia de engano e confusión, PSOE e BNG son moi conscientes de que están a mentir cando realizan as súas afirmacións: Nin haberá traslados forzosos a Lugo, porque o Hospital da Burela seguirá a ser o hospital de referencia para a poboación da Mariña lucense. Nin os intereses da sanidade comarcal se xestionarán desde Ferrol, tal e como prevía o anterior Goberno bipartito.
INFORMACIÓN
Desde o Partido Popular esperan que veciños e colectivos da Mariña outorguen o valor debido ás palabras da conselleira de Sanidade e do propio Presidente da Xunta, quen tamén apostou pola mellora do sistema público de saúde na nosa comarca con ocasión da súa visita á festa da Faba de Lourenzá. Piden ademais á Xunta de Persoal do Hospital da Costa, como promotores da Plataforma Sanitaria, que dean traslado desta información ao resto dos colectivos integrantes aos que, en todo caso, ofrecen a posibilidade de acceder ao vídeo da comparecencia ou ben a través da web do Parlamento ou cursando unha petición a través do correo electrónico pp.marinhalucense@yahoo.es. Os populares tamén farán chegar á Comisión de Participación Cidadá, a través da xerencia do Hospital un CD co vídeo da sesión parlamentaria. En todo caso agradecen a esa inmensa maioría de asociacións e colectivos da comarca que, outorgaron unha marxe de confianza á Consellería de Sanidade e ao propio deputado popular cando, nas pasadas datas insistiu nos mesmos argumentos confirmados no día de onte pola titular do departamento autonómico de Saúde.
AGOCHAR A LISTA DE ESPERA ENCUBERTA
Finalmente insistiu en que detrás da estratexia seguida por nacionalista se socialistas respecto da sanidade comarcal está o intento de ocultar os máis de 1.500 veciños desta comarca que, segundo deron a coñecer desde a Consellería de Sanidade formaban parte da lista de espera encuberta no Hospital da Costa. Citas que os xestores do anterior Goberno bipartito no querían que se tramitasen para maquillar as estatísticas sobre tempos de espera e demoras na sanidade pública. “O BNG e o PSOE negaron a asistencia sanitaria a 1.500 mariñáns, cuxas citas tiñan agochadas nun caixón, e desto é do que deberían explicarse”
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
