O Pleno Extraordinario de Burela aproba unha modificación de crédito con cargo ao remanente de tesourería que permitirá executar investimentos en infraestruturas, equipamentos, parques, seguridade, mobilidade, cultura e servizos sociais
Burela, 13 de xullo de 2026. O Pleno extraordinario celebrado hoxe no Concello de Burela aprobou unha modificación de crédito que incorpora 2.061.561,49 euros para financiar un total de 27 actuacións en diferentes ámbitos do municipio.
A modificación, con cargo ao remanente de tesourería, que ascende a case seis millóns de euros, permitirá desenvolver investimentos destinados á mellora de infraestruturas, equipamentos municipais, espazos públicos, zonas verdes, seguridade e servizos, coa finalidade de continuar modernizando o concello e dar resposta ás necesidades da veciñanza.
Máis do 40 % do total destinarase á mellora de infraestruturas e espazos públicos, cun investimento próximo aos 890.000 euros. Neste apartado inclúense actuacións como o asfaltado de diversas rúas, a execución do Plan de Orellas previsto no Plan de Mobilidade, o soterramento do cableado na praza da Mariña, a instalación dunha varanda na rúa Camiño Real, obras no Punto Limpo ou a expropiación urbanística do solo dotacional situado xunto ao Hospital.
Outra das partidas máis importantes, duns 500.000 euros, dedicarase á mellora de equipamentos e servizos municipais. Entre as actuacións previstas figuran a reforma da biblioteca municipal e a renovación do seu mobiliario, a construción de aseos públicos no parque Rosalía de Castro, a modernización de instalacións e equipamento deportivo, a adquisición de casetas de madeira, a mellora da eficiencia enerxética do local de Suafonte, a creación dunha cociña na praza de abastos e distintas reparacións no Barco Museo.
A proposta tamén reserva preto de 400.000 euros para parques e zonas verdes. Este investimento permitirá acometer a remodelación do parque Tíjola, instalar unha tirolina no parque de Suafonte, levantar unha escultura de homenaxe ao náufrago, construír unha pérgola e un novo lavabo público no parque Rosalía de Castro e reformar os baños da praia da Marosa.
Xunto a estas actuacións, a modificación de crédito incorpora outras medidas como a substitución do semáforo do cruce do Campón, a adquisición de inmobilizadores táser para a Policía Local, a reposición de créditos correspondentes a atrasos salariais, unha partida destinada á previsión dunha posible reclamación contractual derivada da decisión de que non repercuta á veciñanza a subida do imposto da auga durante a pandemia, e outra destinada ao novo convenio do programa Xantar na Casa.
Dende o Concello explicaron que, en definitiva, “a modificación aprobada permitirá impulsar investimentos en ámbitos como o deporte, a cultura, a accesibilidade, a mobilidade peonil, a eficiencia enerxética, a seguridade e os servizos sociais, consolidando actuacións orientadas á modernización das instalacións municipais, á humanización dos espazos públicos e á mellora da calidade dos servizos que presta o Concello”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
