Antonio Ameijide explica que “este medio ano de xestión demostrou que o relevo na presidencia foi un mero lavado de cara, e seguimos cunha provincia paralizada por mor dun pacto de goberno condicionado polos intereses persoais e partidistas que se condicionaron ao apoio dunha persoa investigada por presunto acoso sexual”
Lugo, 14 de xullo de 2026. Os deputados do Grupo Provincial Popular fixeron balance dos primeiros seis meses de Carmela López na presidencia da Deputación de Lugo, unha etapa que comezou trala dimisión de José Tomé por un caso de presunto acoso sexual.
O voceiro provincial popular, Antonio Ameijide, explica que “este medio ano de xestión demostrou que o relevo na presidencia foi un mero lavado de cara” e que a provincia de Lugo “segue paralizada por mor dun pacto de goberno condicionado polos intereses persoais e partidistas que se condicionaron ao apoio dunha persoa investigada por presunto acoso sexual”.
Antonio Ameijide cualificou a situación de “parálise institucional” e sinalou a falta de autonomía de Carmela López á fronte da institución. “Cumprirse seis meses dun cambio que non foi tal. Sen a figura de José Tomé, este goberno sería imposible; é el quen segue a manexar os fíos na sombra, e para mostra o convenio de 1.800.000€ que lle acaba de dar ou a intención de permitir que pague os seus avogados con recursos financiados con fondos públicos”, afirmou.
O voceiro popular considera inaceptable que a estabilidade política da Deputación dependa da influencia de quen tivo que apartarse pola gravidade das acusacións. “Lugo non merece un goberno cuxo apoio fundamental sexa unha persoa investigada por presunto acoso sexual. É unha falta de respecto aos lucenses e á dignidade das nosas institucións”, denunciou.
Fronte á debilidade do goberno de PSOE e BNG, os deputados do Grupo Provincial Popular destacan o seu traballo como a única alternativa sólida e o verdadeiro motor de Lugo.
Neste senso, Antonio Ameijide lembrou que, ao longo destes seis meses, “foi grazas á iniciativa do PP como se logrou sacar adiante propostas clave para os concellos e impulsar debates estruturais que o goberno socialista pretendía evitar”.
Entre as iniciativas que destacan os populares están a readmisión dos traballadores de Suplusa que se derivaron hai anos a Tragsa; tras unha vitoria xudicial do PP no Tribunal Supremo; a residencia de Becerreá, onde PSOE e BNG teñen que atender as demandas formuladas polos veciños, o Concello de Becerreá e o Grupo Provincial Popular, así como cumprir cunha resolución xudicial que avala a posta en funcionamento destas instalacións; ou a conservación das estradas provinciais, entre outros.
“Durante os últimos meses non lles deixamos outro remedio que modificar o rumbo”, destacou.
Antonio Ameijide reivindicou que “mentres o bipartito se dedica a recompoñer as súas frontes internas e a acatar as directrices que veñen ditadas dende a sombra, no Grupo Popular seguimos a marcar o ritmo das decisións clave para a provincia. Nós si temos un proxecto libre, centrado única e exclusivamente en resolver as necesidades reais dos veciños de Lugo”, sentenciou.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
