Ribadeo, 13 de xullo, 2026. UCIN Ribadeo denuncia que, varias semanas despois da celebración da Heroican Race a finais de xuño, continúan aparecendo numerosos neumáticos utilizados durante a proba en diferentes zonas do municipio, sen que o Concello procedese á súa retirada nin esixise á organización do evento o cumprimento desta obriga.
A formación considera que esta situación transmite unha imaxe de abandono e supón unha falta de respecto cara ao medio ambiente e aos espazos públicos.
UCIN lembra que os neumáticos fóra de uso son un residuo regulado pola lexislación vixente e non poden permanecer abandonados en zonas verdes, montes ou espazos públicos sen a correspondente xestión autorizada. A Lei 7/2022, de residuos e solos contaminados para unha economía circular, prohibe o abandono e a xestión incontrolada de residuos, establecendo sancións de ata 100.000 euros para infraccións graves, e penalizacións superiores cando exista deterioro ambiental grave ou se trate de residuos perigosos. Ademais, a normativa atribúe ás administracións locais competencias de vixilancia e actuación nesta materia.
UCIN Ribadeo entende que, independentemente de quen sexa o responsable directo da retirada, corresponde ao Concello garantir o cumprimento da normativa ambiental e asegurar que, unha vez finalizado calquera evento deportivo ou recreativo, todos os elementos utilizados sexan retirados nun prazo razoable.
“Resulta incomprensible que, semanas despois de rematar a proba, os pneumáticos continúen ocupando espazos públicos sen que se actuase. O que se lle esixe a calquera veciño tamén debe esixirse a calquera organización que celebre actividades no municipio”, sinalan desde a formación.
Por iso, UCIN Ribadeo solicita:
– A retirada inmediata de todos os neumáticos aínda existentes.
– Que o Concello informe publicamente de quen era o responsable da súa recollida segundo as autorizacións concedidas para a celebración da proba.
– Que se revisen os protocolos de autorización de eventos para garantir que estas situacións non se repitan.
UCIN Ribadeo defende que a protección do medio ambiente debe aplicarse con rigor e sen excepcións, e lembra que o cumprimento da normativa ambiental é unha obriga tanto das administracións públicas como das entidades organizadoras de actividades en espazos públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
