SANTIAGO .- O presidente de Portos de Galicia, José Manuel Álvarez-Campana, e membros da cooperativa de Armadores de Burela Sociedad Anónima (ABSA) e da Confraría de pescadores, mantiveron hoxe unha reunión en Santiago de Compostela, na que se valoraron diversos asuntos relacionados coas instalacións portuarias de Burela.
Alvarez-Campana comprometeuse hoxe a incluír nos presupostos de Portos e Galicia, cara ao ano 2010, unha partida destinada á renovación doutro vial de acceso ao porto de Burela do tramo comprendido entre a zona do Berbés e a cooperativa de ABSA. Así mesmo, comprometeuse tamén, a petición do sector, a facer un estudo de aproveitamento integral da lámina de auga consistente no ordenamento de fondeos e pantaláns, entre outros aspectos, que mellorarán a seguridade e operatividade dos barcos que ocupan a devandita dársena.
Por outra banda, anunciou tamén que antes de fin de ano se porá en marcha un sistema de seguridade do porto a base de cámaras de vídeo vixiancia durante as 24 horas do día. Tamén suliñou a intención de Portos de Galicia, dunha rebaixa de cara ao ano que ven na tarifa por pesca fresca X-4 para aumentar así a competitividade do porto de Burela.
Os membros asistentes á reunión desta mañá mostráronse satisfeitos polo esforzo e compromiso de Portos de Galicia coas inversións realizadas cara o porto de Burela. Finalmente, o presidente de Portos, aceptou a invitación de armadores e confraría para visitar o porto de Burela antes de que remate este ano.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
