NOTA DE PRENSA:
Balseiro presenta como novo un estudo desestimado por Sanidade en 2009
Veiga considera que o debate área sanitaria – unidades de xestión son a coartada do PP para dotarnos dunha sanidade de segunda
O Bloque Nacionalista Galego iniciou unha campaña social que arrancou hoxe cun reparto de follas informativas no Hospital da Costa, e na que participaron membros da Executiva nacionalista así como dirixentes do BNG nesta localidade, sob o lema de “Non ao desmantelamento da sanidade na costa.Coa nosa saúde non se negocia” coa que pretende achegar de primeira mao información a poboación da Mariña sobre os efectos da reforma sanitaria que pretende levar adiante o Goberno da Xunta.
Na presentación desta campaña Antonio Veiga, Portavoz – Comarcal do BNG, saíu ao paso das declaracións do Sr. Balseiro nas que facía referencia a un estudo informativo do Goberno de Touriño onde analizaba a posibilidade dunha nova organización das áreas sanitarias.”Non ten nada de novo o informe que fixo público Balseiro, pois este xa era coñecida, sendo mesmamente dado a coñecer no mes de Setembro en sé parlamentaria, o que non di Balseiro é que en Febreiro de 2009 a propia Consellaría de Sanidade desbotou esta proposta”, afirma Veiga. O Responsábel Comarcal do BNG foi máis alá reiterando que “ as declaracións que ven realizando nos últimos días o Sr.Balseiro, tras un alongado silencio impropio de alguén que padece incotinencia verbal, respecto ao mantemento da área sanitaria da Mariña non responden a outra motivación que tentar confundir a opinión pública sobre as verdadeiras intencións do PP sobre este tema e a dar respaldo a proposta da Consellaría de Sanidade de desmantelar pola vía dos feitos o Hospital da Costa”.
O Bloque Nacionalista Galego considera que non estamos diante dun debate nominal sobre o nome das áreas sanitarias ou áreas únicas de xestión aquí o que está en xogo son os servizos cos que vai contar o hospital e as competencias que vai ter a dirección do mesmo. Neste sentido a nos non nos vale que mantendo a denominación actual de areas sanitarias ou áreas de saúde, a través da creación das áreas únicas de xestión se proceda a baleirar de competencias á area da costa ou que o Hospital de Burela se converta nun hospital de segunda. Veiga foi claro cando dixo que “ a folla de rota do PP non deixa lugar a dúbidas, o que primeiro intentaron a cara descuberta, preténdeno facer agora con nocturnidade polo medio dunha figura utilizada de xeito experimental en Ferrol, por certo con escaso éxito, e que vai ser un caixón desastre para desmantelar esta área”.
Os nacionalistas consideramos que o PP o que lle ten que explicar aos veciños da Mariña é que especialidades van deixar de ofertarse en Burela, o PP ten que explicarlles aos traballadores da sanidade por que van ter que desprazarse por toda a provincia, o PP ten que explicarlle a un facultativo de Burela por que terá que desprazarse ao Hospital de Lugo cando neste non haxa profesional que cubra a súa especialidade, o PP ten que explicarlle aos xefes de servicio do Hospital de Burela cal van ser as súas competencias en relación cos homólogos de Lugo, o PP ten que aclararlle a poboación da Mariña cantos postos de traballo se van perder na sanidade na Comarca.
O Bloque Nacionalista Galego anunciou tamén que diante da negativa do PP e da Consellaría de Sanidade a responder estas preguntas, que son que se fai a sociedade da mariña e os traballadores da sanidade, vai solicitar a súa aclaración en sé parlamentaria. Isto é o fondo do debate, estas son as cuestións que están en xogo, e curiosamente son aqueles aspectos sobre os que o PP garda silencio. Os nacionalistas estamos certos que a presión social e institucional é a única vía para que a Xunta de Galiza mude o seu plantexamento e de garantir, en definitiva, manter os servizos sanitarios da Mariña.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
