O cartel non anuncia as datas da obra nin o tempo de execución
A MARIÑA .- Con gran despregue vertical, a Consellería de Medio Ambiente Territorio e Infraestruturas da Xunta de Galicia anuncia en vallas a vía de altas prestacións, antes vía rápida e posteriormente vía de alta capacidade, “V.A.C.da costa norte, treito Celeiro San Cibrao”. A publicidade pode verse, desde esta fin de semana, a pe de estada, entre Area e O Castelo.
Na valla non consta a data de comezo nin a data de finalización deste tramo, que tiña un período de execución previsto de 36 meses. O orzamento que se cita na valla, mais de 49 millóns de euros, non se corresponde coa contía pola que se adxudicou a obra, 32,3 millóns de euros.
Parece que non ten erros a referencia a empresa contratante, a UTE Obras y Construcciones Cortizo, S.L.- OVISA-Constructora Hispánica; a obrigada cita ao Xacobeo 2010 e a referencia ao plan Move, – Mobilidade e Ordenación Viaria Estratéxica -, plan no que se enmarca agora esta infraestrutura que parte do ano 2000.
Este despregue informativo? da Consellería de Medio Ambiente Territorio e Infraestruturas da Xunta de Galicia, coincide coa xuntanza de representantes do PSOE, de A Mariña e Ortegal, en Ortigueira e coa concentración de responsables do BNG, na ponte de O Barqueiro. Todos pedindo que se voten a andar as obras da vía Ferrol San Cibrao Barreiros e que non se atrasen ao ano 2017, como propón a Xunta.
No seu momento o PP tamén considerou prioritarias estas obras que reivindicou con insistencia, incluso participando nunha manifestación que tivo como punto de concentración a Casa do Concello de O Vicedo.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
