Ribadeo, 13 de agosto, 2026. Ribadeo destaca a dinamización económica que a eclipse supuxo para este concello e fai un balance positivo da xornada desenvolvida no entorno da praia das Catedrais.
A concelleira de Turismo, Marta Saiz, dixo que “a pesar das nubes, do barruzo e da néboa que nos acompañaron onte en Ribadeo puidemos seguir a eclipse a través da pantalla xigante instalada na praia das Catedrais e vivila xunto ás veciñas e aos veciños de Lalín, ademais de contar coas explicacións do profesor José Ángel Docobo e da astrónoma e científica Paula Cambeses”.
A edil ribadense contou que “centos de persoas se deron cita nas Catedrais para disfrutar deste momento histórico. E aínda que non vimos a lúa ocultando o sol, disfrutamos do anoitecer, do cambio de temperatura e do novo amencer. Foi unha experiencia incrible e que gardaremos na nosa memoria de por vida”.
Saiz tivo palabras de agradecemento para todo o persoal que traballou na xornada de onte e tamén nos preparativos previos: “desde o Concello de Ribadeo queremos agradecer ao persoal municipal de Obras e Medio Ambiente e de Turismo todo o traballo previo ao día de onte, á Policía Local pola organización de todo o dispositivo de seguridade, aos voluntarios de Protección Civil, ao servizo de Medio Rural da brigada de Ribadeo, e cómo non á Garda Civil e a todo o persoal da Xunta de Galicia, tanto aos vixiantes da praia como aos axentes de Medio Ambiente, así como á Consellería de Medio Ambiente e o director territorial, que estivo aquí ata o último momento. A todos eles agradecerlles o seu traballo e a implicación para que a xornada discorrese con total normalidade”.
A concelleira de Turismo e Comercio subliñou que “habilitamos mil prazas de aparcamento, perfectamente sinalizadas, con iluminación e atendidas ata o remate do Eclipse Fest, o programa da TVG que se emitiu desde o entorno da praia das Catedrais entre as dez da noite e a unha da madrugada, e no que participaron Panorama City, 9Louro e Francisco. Tamén durante a mañá a televisión pública galega fixo parte da súa programación desde este areal. Grazas tamén a todos os profesionais que traballaron para facer chegar a imaxe desde Ribadeo para toda Galicia e a todos os medios de comunicación que viñeron a Ribadeo a cubrir a eclipse e a amosar o noso concello”.
E engadiu: “detrás da xornada de onte houbo moitos preparativos, moita organización e moita responsabilidade, pero mereceu a pena. A xornada discorreu con normalidade, sen ningún contratempo, tal e como estaba previsto, e esta cita contribuíu dun xeito moi especial á dinamización económica de Ribadeo, porque foron centos de persoas as que planificaron as súas vacacións arredor da eclipse para seguila desde a nosa vila. A todas elas tamén moitas gracias por escoller Ribadeo para vivir unha experiencia única”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
