Nota de Prensa
A Xunta reduce a inversión para esta obra neste ano en 13,1 millóns de euros.
A COTOP fixa o 2017 como data para remate dos prazos lucenses do Corredor Barreiros- Ferrol.
O Bloque Nacionalista Galego considera unha absoluta tomadura de pelo o anuncio que fixo o pasado Venres 30 de outubro na cidade de Lugo, o Conselleiro de Obras Públicas e Medio Ambiente, Agustín Hernández, que no marco da presentación pública das actuación do seu departamento na provincia, afirmou que a data de remate da totalidade dos tramos lucenses do Corredor Barreiros – San Cibrao situábase no 2017.
Na súa comparecencia pública, Hernández, anunciou que se ben o tramo San Cibrao-Celeiro estaría rematado no horizonte de 2013, tanto a variante de Viveiro como o tramo Viveiro – O Barqueiro non estaría rematado ate 2017. Neste sentido debemos ter en conta que en 2001 o Conselleiro Cuíña e o Ministro Cascos comprometeron o remate da VAC Barreiros – Ferrol no 2007, procedéndose a fixar en 2008 por parte do Goberno Bipartito o 2013 como data do remate da obra.
A este respecto e segundo as propias consideracións que se fan por parte da Consellaría hai que ter en conta que a Xunta de Galiza non ten previsto licitar nin un só tramo máis do Corredor na provincia de Lugo que o licitado polo bipartito a principios de 2009 e deixa sen solución ate 2017 a obra que soporta máis densidade de tráfico como é a variante de Viveiro.
Na mesma liña queremos denunciar o importante recorte Orzamentaria que leva adiante o Goberno do PP para esta actuación posto que se nos Orzamentos de 2009 recollíase para os tramos lucenses do corredor un investimento 17,6 millóns de euros para o 2010, nos Orzamentos de 2010 redúcese a inversión para o exercicio 2010 a só 4,5 millóns de euros o que significa unha baixa en números redondos de 13,1 millóns de euros e un descenso en termos porcentuais de máis do 75%.
Non deixa de ser curioso que de todas as obras presentadas polo Conselleiro de Obras Públicas e Medio Ambiente, Agustín Hernández, o pasado Venres 30 de outubro na cidade de Lugo a obra para que se determina un remate máis tardío no tempo sexa esta do que estamos a falar. Isto ten haber co papel marxinal que se lle asina ao norte galego na planificación de infraestructuras o que provoca un aumento do papel residual da comarca e do seu atraso comparativo con outros territorios galegos. “Nos non imos dar por boa a planificación da Xunta de Galiza, que coloca A Mariña a cola da provincia”, afirmou Veiga quen denunciou a dobre linguaxe do PP “na oposición manifestábanse no Vicedo fronte a uns orzamentos con máis dotación para esta obra e hoxe calan cunha contas que reducen o investimento nun 75%”. “Sería bo saber se o PP da Mariña vai dar por bos estes orzamentos e o prazo do 2017 como data para o remate da obra?”,rematou Veiga
O Responsábel Comarcal do BNG denunciou tamén que a paralización do corredor co alongamento no remate da obra ate 2017 non só significa un problema na vertebración territorial do norte galego senón que sitúa á Mariña nunha situación de desventaxa a hora de enfrontar a crise económica.”O investimento público ten que xogar un papel central na dinamización económica, particularmente nos momentos de crise, incentivando a actividade e inxectando financiación a fin de tirar da economía e da creación de emprego. As contas do PP para 2010 evidencian que o Goberno Feijoó non só está incapacitado para sacar a Galiza da crise senón que o combate da mesma non é unha prioridade”.
Os nacionalistas consideramos insultante para os veciños da Comarca que sexa esta a obra recollida nos orzamentos de 2009 que máis recortes sufre nos Orzamentos de 2010 o que pon en evidencia que o norte galego non é unha prioridade para o PP e tamén a falta de peso do PP de Lugo a nivel galego. Tanto é así que mentres que na zona lucense a rebaixa do investimento respecto ao recollido en 2009 é de 13,1 millóns de euros, na provincia da Coruña a rebaixa é de 2.871.079 Euros ficando situada a mesma para este ano 9.827.950 de Euros.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
