LUGO .- A Consellería de Traballo e Benestar subvencionará nos próximos meses a contratación de 64 axentes de emprego e desenvolvemento local que prestarán os seus servizos en 59 concellos da provincia e en outros organismos oficiais de ámbito local. Os axentes de emprego serán contratados por un período de 12 meses e desenvolverán tanto tarefas de estudo sobre o mercado laboral como de asesoramento puntual aos emprendedores, centrándose en todo momento nas características e posibilidades de empregabilidade da zona concreta que supón o seu ámbito de actuación.
Nota de Prensa
TRABALLO E BENESTAR INVESTIRÁ 1,28 MILLÓNS DE EUROS NA CONTRATACIÓN DE 64 AXENTES DE EMPREGO PARA A PROVINCIA DE LUGO
* Raquel Arias subliña que “importante esforzo realizado pola consellería para facilitar a búsqueda da inserción laboral e da promoción económica local no momento actual”
Lugo, 25 de novembro de 2009.- A Consellería de Traballo e Benestar subvencionará nos próximos meses a contratación de 64 axentes de emprego e desenvolvemento local que prestarán os seus servizos en 59 concellos da provincia e en outros organismos oficiais de ámbito local.
En total, a medida prevé un desembolso de 1.285.385 euros por parte da consellería, que atenderá as solicitudes recibidas achegando en todos os casos o 85% do importe da axuda solicitada. “Este importante esforzo económico realizado pola Consellería de Traballo está orientado a facilitar a búsqueda da inserción laboral”, destacou a delegada territorial da Xunta, Raquel Arias, que fixo fincapé na relevancia do investimento e no obxectivo do mesmo “no momento actual”.
Cabe destacar que os concellos poden solicitar como máximo o equivalente ao 80% dos custos salariais totais derivados do contrato que proxectan formalizar, ata un tope máximo de 27.046 euros. As achegas serán comunicadas oficialmente nos próximos días.
Os axentes de emprego serán contratados por un período de 12 meses e desenvolverán tanto tarefas de estudo sobre o mercado laboral como de asesoramento puntual aos emprendedores, centrándose en todo momento nas características e posibilidades de empregabilidade da zona concreta que supón o seu ámbito de actuación.
O seu principal obxectivo apunta “á promoción económica local, ao impulso de proxectos empresariais e de iniciativas innovadoras para a xeración de emprego naquelas actividades económicas que ofrecen mellores perspectivas de futuro na localidad de referencia”, expuxo Arias.
Para isto, os axentes de emprego realizan prospeccións de recursos ociosos ou infrautilizados no panorama económico local, identificando novas actividades económicas e posibles emprendedores. Difunden esta información entre desempregados, promotores e emprendedores, estimulando a formación dunha maior conciencia empresarial como oportunidade de emprego.
Os axentes de emprego realizan tamén labores de acompañamento técnico no inicio de proxectos empresariais concretos. Informan sobre a viabilidade técnica, económica e financeira; ofrecen asesoramento técnico durante as primeiras etapas de funcionamento, e solventan calquera dúbida que poida xurdir neses primeiros pasos da actividade empresarial.
A rede axentes de emprego e desenvolvemento local son unha aposta da Consellería de Traballo e Benestar polo progreso económico e empresarial dende unha perspectiva local, favorecendo especialmente ás zonas menos favorecidas en termos socioeconómicos en aras de conseguir un maior equilibrio territorial.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
