RIBADEO .- A delegada territorial da Xunta, Raquel Arias, visitou hoxe o peirao de Ribadeo co fin de coñecer os proxectos que acomete neste entorno a entidade Portos de Galicia, e que suman un investimento total de máis de 2.280.000 euros. Raquel Arias subliñou o volume do investimento e, sobre todo, a importancia das actuacións, “destinadas a mellorar as condicións de traballo de cantos diariamente utilizan estas instalacións, así como os servizos que ofrecen aos usuarios”.
Neste momento hai dúas actuacións en marcha e unha terceira próxima a comezar. Entre as obras iniciadas destacan as de acondicionamento do borde portuario de Ribadeo, por valor de máis de un millón de euros, consistentes no acondicionamento de toda a fachada do borde interior da dársena de Porcillán, nunha lonxitude de 400 metros na que queda incluído o porto deportivo do mesmo nome.
Raquel Arias valorou especialmente a intención “de dar preferencia ao uso peonil da zona, abrindo o porto a veciños e visitantes alleos aos labores profesionais que aquí se desenvolven; é outro xeito máis de poñer en valor o peirao”, sinalou.
Esta zona será pavimentada con materiais nobres, adoquíns de granito na zona habilitada para o tráfico, e lousa de granito para as zonas peonís. Na parte central da actuación, preferentemente nas ramplas e escaleiras existentes, recuperarase a pedra orixinal unha vez retirados os firmes artificiais con que foi cuberta nos últimos anos. Tamén se instalará mobiliario urbano e un novo alumeado.
Así mesmo, Arias interesouse polas ideas de remodelación relacionadas co edificio de actividades deportivas. En torno a instalación, ubicada nas inmediacións da dársena deportiva, plantéxanse distintas posibilidades para favorecer a súa funcionalidade e promover o desenvolvemento turístico, tal e como hoxe lle presentou o presidente do Club Náutico, Mario Coto.
Neste sentido, a delegada territorial animou ao directivo da entidade a presentar un anteproxecto que, segundo indicou Arias, será estudiado con atención por parte da Xunta de Galicia.
Ao mesmo tempo, Portos de Galicia está a aumentar a cota do peirao comercial de Ribadeo para evitar as inundacións que periodicamente producían as mareas vivas. As obras, cun orzamento de 826.700 euros, consisten na elevación do nivel da superestrutura da zona norte do peirao ao longo de 198 metros, regularizándoa a unha altura de 5,10 metros –o que coincide co nivel do resto do peirao. Será preciso incrementar a cota noutros puntos do peirao, así como proceder á elevación de todos os pavimentos, da baliza da punta do peirao comercial, da caseta e doutros elementos afectados.
Por último, en breve dará comezo a construción dun edificio de servizos portuarios, adxudicado en 461.100 euros e que conta cun prazo de execución de nove meses. Será un edificio de dúas plantas situado na área comercial da explanada portuaria, adosado á nave de almacenamento. Incluirá oficinas, despachos, sala de reunións, servizos hixiénicos e vestiarios, ademais dun almacén e garaxe con acceso independente e conexión coas outras dependencias.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
