LUGO .- A deputación conta con 110 operarios e 160 vehículos para atender calquera incidencia que se produza ao longo do inverno. O organismo provincial aplicou nos últimos días un tipo de sal novidoso, que actúa directamente sobre as placas de xeo e garante unha maior seguridade ós usuarios das vías.
Nota de Prensa
A Deputación recheou en 3 ocasións os saleiros da rede viaria no que vai de mes
– O organismo provincial aplicou nos últimos días un tipo de sal novidoso, que actúa directamente sobre as placas de xeo e garante unha maior seguridade ós usuarios das vías
– No último temporal de neve, a Deputación repartiu máis de 800 toneladas de sal nas estradas que son da súa titularidade
– 110 operarios e 160 vehículos compoñen o resto do dispositivo previsto para atender calquera incidencia que se produza ó longo do inverno
A Deputación recheou en tres ocasións os 12 saleiros que ten distribuídos na rede viaria provincial no que vai de mes debido ós efectos do temporal de neve acontecido nas últimas semanas. En total, empregáronse 827,5 toneladas de sal, da que 180,5 se repartiron dende o 24 ó 27 de decembro, coincidindo coa que foi a nevada máis forte rexistrada neste inverno. Precisamente, o organismo provincial duplicou eses días o servizo na zona de Pedrafita, que foi a que rexistrou a maior complicación para a circulación dos viandantes.
Asimesmo, a semana pasada a Deputación comezou a aplicar un tipo de sal novidoso nas estradas provinciais dos Concellos da Montaña, que nunca se empregara antes e que conta cunhas condicións que fan que actúe directamente sobre as placas de xeo, ó ser pura e sen caliza.
Coincidindo coas datas festivas de Noiteboa e Nadal, medio cento de operarios e outros tantos vehículos traballaron de xeito ininterrumpido. Entre os medios materiais, destacan 5 camións cuchila, 9 saleiros con cuchila, 7 todo terreos con saleiro, 4 motoniveladoras, 4 camións grúa, ademais de retros mixtas e motoserras para retirar as árbores da calzadas das estradas provinciais 2601 e 2607, no concello de Xove; na 4811 no de Pontenova; e na 2301, en Guitiriz.
Ademais, as empresas adxudicatarias da Conservación integral actuaron retirando neve e auga, así como esparcindo sal en 12 das 13 zonas na que o Plan divide a provincia: 1 (Cervo), 2 (Barreiros e Ribadeo), 3 (A Pontenova), 4 (Meira, Ribeira de Piquín, Pol, Castro de Rei, Cospeiro, Outeiro de Rei e Rábade) 5 (Vilalba e Guitiriz), 7 (Castroverde, Baleira e Baralla), 8 (A Fonsagrada, Negueira de Muñiz e Navia de Suarna), 9 (Becerreá, Cervantes, As Nogais e Pedrafita), 10 (Courel, Incio, Samos, Triacastela, Quiroga e Ribas de Sil), 11 (Monforte de Lemos, Bóveda, Pobra de Brollón, Sober e Pantón), 12 (Páramo, Portomarín, Sarria, Paradela, e O Saviñao) e 13 (Monterroso, Taboada, Chantada e Carballedo).
O resto do dispositivo que ten a Deputación para atender as incidencias que poidan xurdir nas vías provinciais ó longo do inverno está formado por 110 operarios e 160 vehículos. Asimesmo, nas vindeiras semanas ampliarase o contrato para a adquisición de máis sal, de tal xeito que en caso de que se necesite, a empresa subministradora poderá facilitala nun prazo máximo de 24 horas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
