Un amigo noso, bo coñecedor dese submundo, di que os partidos políticos son caldo de cultivo nos que se producen os episodios mais virulentos do desencontro entre as persoas, recurrindo a sañudos métodos que produzan efectos devastadores na/s persoa/s a destruír, na amoral loita por acadar os disputados privilexios, pois no seu seno é frecuente que o “compañeiro” mais próximo sexa tamén o mais encarnizado inimigo, e polo tanto, obxectivo a bater… Segundo il a xénese está na función que os partidos desenrolan como plataformas de lanzamento hacia as metas das ambicións persoais de cada quen, moitas veces coincidentes, en aras das que non se repara en consideracións de tipo algún: afectivas, de respecto, gratitude, éticas, racionais nen mesmo nos servilismos, consesuados e xa consumados. É decir, os servicios prestados mutuamente. Por iso non pode sorprender que estes individuos pasen dun día para o outro do amor apaixoado, decrarado publicamente, ó odio mais visceral, co estadio intermedio do desamor, como en vulgar telenovela. Son situacións habituais, de vella raigame entre a crase política. Cóntase dun coñecido político galego do franquismo que, vivindo un rifi-rafe semellante, exclamou: “¡Cuerpo a tierra, que vienen los nuestros!”. Mágoa que tal mensaxe non lle chegara a tempo ó alcalde de Fago… En Foz, como é público e notorio, estase a vivir un episodio que acapara a atención mediática e polo tanto un protagonismo singular, que confirma a vixencia das miserias apuntadas. É certo que de cando en vez o noso pobo potencia o seu nome a través de feitos, case sempre pouco edificantes ou mesmo sorprendentes. Xa levábamos moito tempo a barbeito: dende hai meses que aparecera morto un oso no Bispo Santo non volvera a falarse das nosas singularidades. Xa ía sendo tempo. E para que non decaia a tradición, os protagonistas, “tandem” monolítico nas formas e no fondo, de idéntica cuadratura, que se xuraran amor eterno e fidelidade sen fin, destapan a caixa de Pandora (a que garda as tormentas) e decraran a súa guerra peculiar. Eles, os organizadores da Marcha Pola Paz no Mundo!. Paradoxos da vida!…
Amor/odio
Relacionado
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
