Nota de Prensa
A Área de Cultura e Deportes da Deputación adxudicou máis de 36.000 € en axudas ás asociacións culturais e clubes deportivos de Xove durante o 2009
O departamento provincial, dirixido polo nacionalista Antonio Veiga Outeiro, destina o diñeiro tanto a actividades organizadas directamente pola súa área como a axudas directas ao Concello e mais a diferentes colectivos culturais e deportivos xovenses.
No BNG de Xove felicitáronse polos investimentos realizados pola Área de Cultura e Deportes ao longo do ano 2009 (bases publicadas no 2008). O responsábel local do Bloque, Marco López, manifestou onte que o departamento nacionalista da Deputación de Lugo achegou ás arcas dos colectivos veciñais, entidades culturais e asociacións deportivas de Xove un total de 36.288,30 €.
Este financiamento serviu para acontecementos tan variados como levar a cabo xornadas de teatro, sufragar festas patronais, gozar co folclore tradicional, acondicionar a antiga Cámara Agraria para Sala de Exposicións ou, incluso, a instalación dun equipamento de megafonía.
En canto ás actividades deportivas que se desenvolveron no Concello de Xove, a administración nacionalista dirixiu as axudas, entre outras, ás tiradas de bolos tradicionais (2.005,75 €), ao Clube Baloncesto Xove (2.100 €), tamén á U.D. Xove-Lago (4.700 €), ao Clube Natación Xove (4.500 €) e destináronse 3.100 € para a ACD Xove. Do mesmo xeito, o XX Torneo de Fútbol Sala recibiu 1.757,56 € da área nacionalista e a IV Foliada da Mariña, organizada pola Asociación Cultural Saíñas (www.sainhas.org), financiouse con 4.786,78 €. Ademais disto, Saíñas percibiu outros 3.000 € máis da área nacionalista pola súa participación no programa de impulso das agrupacións musicais da nosa provincia, en colaboración coa Obra Social de Caixa Galicia.
Estas axudas achegadas pola Área de Cultura e Deportes véñense unir ás subvencións de máis de 130.000 € outorgadas polo departamento de Benestar Social da Deputación, destinadas a actividades relacionadas coa conciliación familiar e laboral e mais coa asistencia domiciliaria á xente maior. “As áreas nacionalistas da Deputación tratan moi ben o noso Concello”, resaltou o responsábel local do BNG en Xove, “por iso é de ben nacido agradecerlles esta xestión transparente e aberta ás nosas demandas e necesidades”.
Así mesmo, Marco López tivo coñecemento de que hai algúns colectivos na provincia que aínda non cobraron a axuda por dificultades da Administración para contactar cos representantes das entidades culturais ou deportivas en cuestión. Polo que, de ser este o caso dalgunha entidade de Xove, López ofreceuse a “que se poñan en contacto co grupo municipal do BNG ou comigo mesmo para resolver o problema e que os servizos de intervención da Deputación permitan ordenar o pagamento”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
