BURELA (FNC) .- A concelleira de Deportes, Neves Cando, rexeita as críticas verquidas nas últimas semanas polos populares sobre as axudas da Deputación ao Concello en materia deportiva. Cando recoméndalle ao PP que se tranquilice e que antes de falar e mentir pense ben o que vai dicir para non ter que recuar.
Sobre as axudas da Deputación a edil nacionalista sinala que “algo que debería saber o portavoz do PP, o señor González Barcia, porque forma parte da Comisión de Valoración destas subvencións na Deputación, é que das dúas liñas de axuda que convocaba a institución provincial, unha para actividades deportivas ou ben para eventos ou para actividades permanentes e outra para investimentos ben en instalacións, ben en equipamentos ou para os danos causados polo Klauss, os Concellos só podíamos elexir unha opción en cada unha das liñas de axuda. E no Concello de Burela optamos polas actividades deportivas permanentes para as que nos deron 2.500 euros e polos investimentos para danos causados polo temporal, que foron tan importantes no noso concello, para os que conseguimos 4.500 euros. Estes cartos destináronse a amañar os estragos no campo da Marosa”.
Neves Cando segue a explicar que “nós cuestionámonos para que vale que estea o señor González Barcia na Deputación senón defende alí os intereses de Burela, que é a quen representa. Esto dicímolo porque si el ve, como di, que na Comisión de Valoración desta subvención se dan máis puntos a outros Concellos con menos poboación el ten o deber de dicir algo e non absterse como fixo neste caso. Si el cre que Burela recibe menos do que merece, el é cómplice desta situación. ¿Para que está na Deputación? ¿Para atender ao seu partido ou para defender aos cidadáns que o elixiron?”.
A concelleira de Deportes engade que “polo que se refire ás axudas da Deputación para paliar os danos causados polo Klauss no noso campo de fútbol, dicir que a cuantía que nos aporta a Deputación é bastante superior á que nos da a Xunta de Galicia porcentualmente falando sobre a cuantía máxima que cada un destes organismos podía conceder. Esta é a política de oposición que fai o PP de Burela, mentir ou contar as verdades a medias para non ter que dicir toda a verdade”.
Neves Cando tamén alude ás críticas populares que “insisten en que non están asinados os convenios cos clubes deportivos para este 2009. E aquí se demostra unha vez máis que o PP de Burela non se entera de nada e por iso voullo aclarar. Os convenios son por temporadas e como nos anos anteriores asínanse en decembro, unha vez que os respectivos clubes nos pasan os datos dos alumnos e alumnas matriculados nas escolar deportivas. Este ano, por certo, temos os datos definitivos desde hai só uns días. O PP non o di, pero ten que sabelo porque ten copia dos convenios, nos que hai unha cláusula que di que se prorrogarán inmediatamente senón hai nada en contra tanto por parte dos clubes como polo Concello antes de que conclúa e este é o compromiso da Delegación de Deportes cos clubes e eles xa o saben desde o comezo desta temporada 2009-2010, porque este é o compromiso co deporte de base de Burela”.
A tamén tenente de alcalde subliña que “podemos dar máis datos, cando o PP gobernaba en Burela asignaba por decreto 19.500 euros ao fútbol sala e 16.500 ao fútbol, e cando nós entramos a gobernar Burela estas son as cantidades que aportamos en virtude dos convenios asinados: 21.000 euros na temporada 2007-2008 e 22.200 na 2008-2009 ao fútbol sala, 17.000 na temporada 2007-2008 e 19.000 na 2008-2009 ao fútbol e 10.800 na 2007-2008 e 11.500 na 2008-2009 ao baloncesto. Esta é a nosa aposta polo deporte de base, pero non só iso para estes tres clubes, senón tamén o apoio ao fútbol sala afeccionado, ao clube náutico, ás artes marciais, ás ximnasia rítmica, ao tenis… ao que hai que unir os investimentos que levamos feito nas propias instalacións deportivas, máis de 50.000 euros no campo de fútbol da Marosa e máis de 30.000 nos pavillóns”.
Cando recoméndalle ao PP de Burela que “se tranquilice, que antes de falar e mentir pense ben o que fai porque despois ten que recuar. Por este camiño non vai ben e os veciños e as veciñas de Burela xa o saben. O PP de Burela está moi nervioso tirando ao chou contra todos e contra todo e isto non lles está dando os resultados pensados porque todo o mundo os coñece e os veciños e veciñas de Burela nas últimas eleccións municipais xa os colocaron na oposición porque non confiaban neles”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
