RIBADEO (FNC) .- O alcalde de Ribadeo, Fernando Suárez, asegura que o proxecto de acondicionamento e mellora dos accesos á praia das Catedrais foi feito con mimo e con coidado e que da cumprimento ás expectativas e ás promesas realizadas nos últimos meses polo presidente da Deputación.
Á saída do acto de presentación celebrado esta mañá en Lugo na Deputación Provincial, o rexedor sinalou que “nesta presentación aquí na Deputación Provincial do proxecto de acondicionamento e mellora dun tramo da estrada provincial 610, que ven a cumprir as expectativas e as promesas que nos fixo o presidente da institución, José Ramón Gómez Besteiro, de ter redactado a finais de decembro este proxecto que suporá un investimento moi importante. Son 500.000 euros os que se investirán nun tramo de 2,4 kilómetros e un prazo de execución de 4 meses desde a súa adxudicación”.
Suárez Barcia asegura que “é un proxecto feito con mimo e cuidado, o que merece un lugar como é o entorno da praia das Catedrais. Un lugar de interese comunitario (LIC) proposto pola Rede Natura 2000, tamén está declarado monumento natural e, como todo o territorio do concello, foi declarado hai pouco pola Unesco Reserva da Biosfera. Polo tanto todo o que se faga alí ten que ser feito con extremo coidado”. O rexedor explica que “váise producir unha regulación do ancho do que é a vía do entorno desde a praia das Catedrais ata a dos Castros, dotaráse dunha nova capa de aglomerado asfáltico e entendemos que ademáis irá tamén unha petición nosa, que no seu día foi realizada a Costas, pero que agora a Deputación se ofrece a facela, é a construcción dunha depurado compacta, moderna, punteira que servirá para substituir unhas fosas que ten o Concello nas que se tratan as augas das duchas, dos servizos… esa depuradora no seu tramo final leva un sistema de depuración ultravioleta, co cual eso é o máis punteiro que existe no mercado actualmente”.
O alcalde suliñou que “As Catedrais, a parte de que está no concello de Ribadeo, é o mascarón de proa de todas as praias galegas, é unha das praias máis fotografiadas e visitadas de todo o mundo. E non me quedo corto si digo algo así, e algo que ten xente durante todo o ano debe ter uns accesos adecuados. Con esto dase un paso moi importante, agora queda outro, xa desde a Deputación son sensibles ás demandas que lles estamos a facer desde o Concello, para que por parte de Costas procedan tamén con mimo e con coidado a facer unhas zonas de aparcamento que non teñen porque estar pegados ao mar, pero que poidan canalizar a chea de coches que ano tras ano en semana santa, verán, etc… ateigan esa zona e que é necesario facer actuacións coordinadas coma as que se están a facer agora. Neste caso, neste novo proxecto ten que estar implicado Costas a través do Ministerio de Medio Ambiente”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
