NOTA DE PRENSA
O voceiro do Mar dos populares galegos demandaba a través desta iniciativa ao Executivo socialista central que garanta a calidade deste servizo básico para a protección da seguridade e saúde das xentes do mar
O PARLAMENTO DE GALICIA PIDE POR UNANIMIDADE, A INICIATIVA DO PPdeG, QUE O GOBERNO CENTRAL REFORCE OS MEDIOS MATERIAIS E PERSOAIS DOS SERVIZOS MÉDICOS DO INSTITUTO SOCIAL DA MARIÑA
* Os populares lembran que os recoñecementos médicos que practica o ISM, que acreditan o bo estado de saúde daquelas persoas que van a embarcar, son preceptivos segundo a lexislación vixente e polo tanto as demoras que se están a rexistrar no servizo implican que moitos dos tripulantes perdan o embarque, co conseguinte menoscabo económico
Santiago, 18 de decembro de 2009.- O Parlamento de Galicia pide, a iniciativa do PPdeG – e co apoio do resto das forzas políticas- que o Goberno central reforce os medios materiais e persoais dos servizos médicos que o Instituto Social da Mariña ten na nosa Comunidade. O voceiro do Mar dos populares galegos, Jose Manuel Balseiro Orol, demandaba a través desta iniciativa ao Executivo socialista de Zapatero que garanta a calidade deste servizo básico para a protección da seguridade e saúde das xentes do mar.
O Grupo Parlamentario Popular tiña constancia de múltiples queixas dos usuarios dos servizos médicos do Instituto Social da Mariña (ISM) na costa de Lugo- nomeadamente nas localidades de Celeiro e Burela-, xa que se estaban a producir importantes demoras no establecemento das citas que este organismo outorga para que aqueles que teñen previsto embarcar poidan efectuar o correspondente recoñecemento médico. Malia que nun primeiro momento o ISM reforzou o servizo con novos facultativos, despois das denuncias dos populares, a solución non se adoptou con caracter permanente, polo que son frecuentes novos colapsos no servizo.
Desde o PPdeG lembran que os recoñecementos médicos que practica o ISM e que acreditan o bo estado de saúde daquelas persoas que van a embarcar, son preceptivos segundo a lexislación vixente e polo tanto as demoras que se están a rexistrar no servizo implican que moitos dos tripulantes perdan o embarque, co conseguinte menoscabo económico.
FUNCIONAMENTO ANÓMALO DA ADMINISTRACIÓN
“Non pode ser que un funcionamento anómalo da Administración Pública dependente do Goberno socialista de Zapatero vaia en prexuízo das xentes do mar. Estamos a falar dun servizo básico de importancia radical, por canto se trata de garantir que as persoas que embarcan poden facelo en perfecto estado de saúde. O esquecemento no que o Goberno central mantén á Mariña lucense non pode chegar ata estes extremos. De aí que, teña todo o sentido que sexan as institucións galegas e, de ser posible, por acordo de todas as forzas políticas, ás que insten a administración central a corrixir estas deficiencias. Esperemos agora, que o Goberno central faga caso a esta demanda do Parlamento”-explicou o voceiro do Mar do PPdeG.
CAMBIO NO MODELO DE CONTROL DAS BIOTOXINAS
Esta non foi a única iniciativa do Grupo Popular, tramitada no seo da Comisión 8ª, de Pesca e Marisqueo, celebrada na mañá de hoxe no Parlamento de Galicia. Os populares preguntaron sobre a incidencia do posible cambio de modelo de control de biotoxinas mariñas nos mariscos bivalvos que propón a Comisión Europea e que podería traer consigo un grave prexuízo ao sector marisqueiro e bateeiro galego, xa que implicaría o peche e a prohibición de comercialización de moita da nosa produción.
Os populares adiantaron que promoverán todo tipo de iniciativas, tanto na Cámara galega como no resto das institucións, incluído as comunitarias, para que, cando aló polo mes de abril, teña lugar unha nova xuntanza do comité europeo encargado de adoptar a decisión final ao respecto do método de análise das biotoxinas, tanto o Goberno de España como o resto dos países membros da Unión, desboten esta posibilidade e defendan a continuidade do modelo analítico actual –de carácter biolóxico-, que ofrece plenas garantías para a saúde dos consumidores.
O voceiro do Mar, Balseiro Orol, amosa o total apoio dos populares galegos ás xestións que está a efectuar a Xunta na defensa dos intereses do sector marisqueiro e bateeiro galego, tendo en conta ademais que os mariscos bivalvos e mexillón capturado en Galicia é, pola súas condicións nutricionais e garantías hixiénicas, o mellor do mundo, con diferenza.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
