RIBADEO (FNC) .- Concello e Sepes asinarán un convenio de colaboración para a xestión comercial das parcelas que se porán á venda no polígono industrial de Ribadeo. Ademais instalarán unha oficina conxunta para ofrecer información aos empresarios interesados en instalarse en dito parque. O xefe da División Comercial de Sepes e o alcalde de Ribadeo cursaron esta mañá visita ao polígono industrial.
Fernando Suárez dixo que “nesta fase tan avanzada de execución das obras do polígono industrial de Ribadeo agora damos un novo paso. E hoxe acaban de estar aquí os xefes de Comercialización de Sepes e acordamos asinar un convenio de colaboración para a xestión comercial de todas as parcelas que se poñen á venda, e imos instalar unha oficina conxunta entre Sepes e o Concello para dar información aos empresarios que se queiran instalar neste polígono, non só aos locais, senón tamén aos interesados da ampla comarca da Mariña e do Occidente asturiano”.
O rexedor expúxolles “para cando se reúna a finais de ano o Consello de Dirección de Sepes para aprobar os prezos das parcelas, que estableza uns prezos competitivos acordes co entorno, pero sobre todo que estableza unhas boas condicións de financiación, dada a situación actual pola que estamos a atravesar. É algo que ven con bos ollos e estanse a aplicar moito de cara a ofrecer unhas condicións óptimas para que ningún proxecto con capacidade de creación de emprego, con capacidade de futuro quede sen instalar en Ribadeo por cuestión do prezo”.
Suárez Barcia considera que “a xente de Sepes e do seu departamento de Comercialización o que persiguen, e creo que o fan ben, non se trata de vender por vender parcelas senón de vender parcelas a todos aqueles proxectos que teñan futuro, que sexan firmes e que produzan riqueza no concello e na comarca, polo que esperemos que despois desta visita ás obras por parte dos técnicos de comercialización, a finais de xaneiro poidamos ter unha reunión pública, aberta a todos os empresarios interesados para darlles prezos definitivos das parcelas, condicións de venda, de financiación…”.
O alcalde sinalou que “a principal tara que pode ter é que as parcelas se agoten bastante rápido, porque non é un polígono demasiado grande, e desde logo sen minusvalorar ningún dos outros polígonos que pode haber na comarca sobran as diferencias de situación ao pé da autovía, céntrica e desde logo moi atractivo, tal e como o están facendo saber moitas empresas non só de Ribadeo, senón tamén de fora, algunhas delas grandes cadeas de distribución e grandes empresas, que están mirando moi polo miúdo os pasos que estamos a dar desde Ribadeo polo seu interese en asentarse aquí”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
