O mal tempo e o estado do campo non impediu a tirada de Morás da liga de bolos de Xove

XOVE .-Os participantes na oitava tirada de bolos da liga de Xove loitaron tamén na tarde do sábado en Morás cunha tarde escura e chuviosa e un campo en malas  condicións, con moitas irregularidades.

Nota de Prensa

XXIª TIRADA DE BOLOS

Xª SUB 18  (TEMPORADA  2009/2010)

Organiza:    Concellería de Cultura do Concello de Xove

Colaboran: IES Illa de Sarón de Xove

Autoescuela Mundial Xove

INCIDENCIAS DA 8 TIRADA

CENTRO SOCIAL DE MORÁS

( sábado, 28 de novembro 2009)

-Tarde escura e chuviosa. Campo en malas  condicións, con moitas irregularidades.

Penúltima tirada da primeira volta. -36 inscritos: 23 na Liga Senior,    5 na Sub 18 e 8 na Liga Feminina.

Liga Senior.-  Victoria de José Rafael González que lle permite auparse ao segundo posto da clasificación en detrimento de  César Cancelos, con 60 e 54 puntos respectivamente. Líder, unha semana máis, Ginés Rodríguez con 69 puntos,  quen nas últimas semanas está vendo como se lle reduce  a súa vantaxe, polo que terá que ir espabilando se quere manter o liderato. Cuarto está Moisé Rodríguez Casabella con 41 puntos, xogador que foi unha figura polo seu paso na Liga Sub 18 hai uns anos e que agora pugna por situarse entre os primeiros; a verdade é que o vemos moi motivado, polo que este ano pode ser o da súa consagración definitiva nesta Liga. Amáis destes catro xogadores, que pugnan claramente polos tres primeiros postos finais, temos a partir da cuarta posición un grupo de xogadores bastante alonxados como son Augusto Albo, José Manuel Cociña, José Antonio Rodríguez, etc., que o van ter realmente difícil para poder achegarse a esas primeiras posicións que optan ao trunfo final.

Liga Sub 18.- Aquí a clasificación cada vez está máis apretada. O líder José Vigo vé como lle recortan a distancia nas últimas semanas, polo que terá que reaccionar se non quere perder esa privilegiada posición. Alex Meitín  e Óscar Pérez, gracias a esta última tirada, ocupan  con 25 puntos a segunda posición na táboa, con Cristian Rodríguez e Andrés Rodríguez na terceira con 23 puntos. Polo tanto, a falla dunha tirada para rematar a primeira volta do CAmpionato, temos que decir que a clasificación está totalmente aberta,  e inda que Jose Vigo lidera dende hai varias semanas, a tenor do xogo que están realizando os cinco primeiros, calquer deles pode optar ao trunfo final. O que se temos que decir, e iso vese nos tantos conseguidos en cada unha das tiradas, é que os xogadores desta Liga cada vez están mais cerca do nivel da Liga Senior, polo que se siguen con esta progresión, que se vaian preparando os maiores para cando estes cambien de categoría. Non nos cabe ningunha dúbida, de que os dominadores dos vindeiros anos na Liga sairán destes 5 rapaces que están a pelexar pola Liga Sub 18.

Liga Feminina.-  Sigue o man a man entre Carmen Corral, que sigue líder con 33 puntos  unha semana máis, e Dolores Meitín, segunda con 30 puntos e que recorta diferencias. Trátase, sen dúbida e a tenor do visto ata agora, das dúas mellores xogadoras do Campionato, que ademáis están mostrando un nivel e unhas maneiras máis que aceptables. Marta Álvarez, outra das animadoras, continúa terceira, non podendo puntuar, dado que estudia en Lugo e non sempre pode vir ás tiradas, o que unha mágoa, dado que se trata dunha excelente xogadora. Máis alonxada, Salomé Bermúdez con 14 puntos, e que despois dun comezo excelente, está a ter un rendimento baixo nas últimas tiradas.

A Vindeira tirada, e última da primeira volta e deste ano,  vai ter lugar no CENTRO SOCIAL DE SUMOAS O VINDEIRO SÁBADO, 5 DE DECEMBRO DE 2009 ÁS 15:30 HORAS.