NOTA DE PRENSA
O GMPP presenta unha moción para que as obras do Plano E se definan a través da Xunta de Portavoces.
Luis Pedre afirma que o alcalde non contestou á petición formal formulada recentemente polos populares.
Considera que as actuacións que se leven a cabo deberían contar cun amplo respaldo social.
O GMPP de Burela tiña previsto presentar no día de hoxe unha moción no Concello para solicitar que as obras do Plano E se definan por consenso a través da Xunta de Portavoces.
O concelleiro popular Luis Pedre lembrou que o PP presentou o pasado día dez un escrito no que solicitaba formalmente do alcalde a celebración dunha reunión da Xunta de Portavoces a tal efecto. A día de hoxe, indicou Luis Pedre, non temos resposta. Por eso é polo que o PP traslada a mesma petición ó pleno en forma de moción, para que “cada partido se retrate”.
Pedre, facendo memoria, dixo que a Xunta de Portavoces só se reuniu no que vai de mandato municipal dúas veces, cando nos últimos anos de goberno municipal do PP esta reunión era habitual cada dous meses. Esto demostra, a xuizo de Luis Pedre, quen tén talante e talento democrático para tratar e falar dos asuntos que lle afectan ó conxunto dos veciños.
Ademais, segundo Pedre, as obras do Plano E son as únicas que está a executar o concello, e por riba nesta segunda edición se pode investir en gasto corrente de servicios que presta o concello parte dos fondos que transferirá o Estado. Razón de máis, segundo o edil popular, para que se tente buscar un consenso entre as tres forzas políticas, máxime tendo en conta que o PP é a forza maioritaria na corporación e a máis votada.
Pedre foi máis alá, e dixo que se o PP gobernase xa tería contado de forma decidida co parecer e coas suxerencias da Asocación de Veciños O Vencello, e mesmo se exporían os proxectos ós cidadáns máis directamente afectado, para que todas e cada das actuacións contase co maior e máis amplo respaldo social.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
