Nota de Prensa
O PP vota en contra dos intereses de Xove no Parlamento galego
O grupo parlamentar do Partido Popular non aprobou ningunha das emendas aos orzamentos presentadas para o beneficio dos xovenses polo Bloque Nacionalista Galego.
Marco López, responsábel local do BNG de Xove, manifestou no día de onte “unha fonda decepción” despois de que o PP rexeitara coa súa escasa maioría absoluta todas as emendas presentadas polo grupo parlamentar do BNG aos Presupostos Xerais do noso país para o vindeiro ano 2010.
Na votación realizada polo Pleno do Parlamento de Galiza rematou a tramitación das contas públicas galegas do próximo exercicio e, con ela, morreu tamén a proposta de construción de Vivendas con Protección Pública en Xove (orzamendada en 300.000 €), o desenvolvemento do Roteiro dos Muíños (cun presuposto de 80.000 €), o apoio á Comunidade de Montes de Laxamoura (San Isidoro de Monte) iniciado polo ex conselleiro Alfredo Suárez Canal e mais a redacción do proxecto do cinto industrial de Alcoa (esta última solicitada en común por Xove e Cervo, e cun orzamento estimado de 300.000 €).
O cargo orgánico do Bloque xovense opinou que, no seu entender, está clara a razón da votación contraria ao progreso do municipio: “O PP pensa que en Xove teñen un celeiro de votos que non move nin o vento do Klaus”, aseverou López, “e iso é moi perigoso para os intereses do noso Concello”.
A formación nacionalista, por boca do seu responsábel local, preguntouse se este é o famoso “plan de choque” pregoado polo PP na campaña electoral para combater os problemas laborais e de desemprego: “A fachenda non crea benestar”, sentenciou Marco López.
Por último, o nacionalista manifestou que coa aplicación das políticas que está a levar a cabo a nova Xunta, coa conivencia do goberno municipal de Xove, o chan real da crise no Concello “aínda está por vir”, dado que os recortes no investimento público “frean a capacidade de desenvolvemento económico” e, polo tanto, “afondan na destrución de postos de traballo en toda a Mariña”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
