NOTA DE PRENSA
As paralizacións ás que someteu a Xunta bipartita á tramitación administrativa do VAP Costa Norte demoran o horizonte de finalización desta infraestrutura
TOURIÑO E CARIDE MENTIRON AOS VECIÑOS DA MARIÑA CANDO AFIRMARON QUE O CORREDOR ESTARÍA EN SERVIZO EN 2011
* A directora xeral de Infraestruturas confirma que nos primeiros meses do ano próximo dará inicio o proceso de expropiación treito lucense Viveiro Sur-Celeiro
* Isabel Vila tamén adiantou as previsión de execución do resto dos treitos lucenses, Covas-Viveiro Sur e Os Ramos-Covas, neste último caso actuación demorada como consecuencia das paralizacións impostas polo bipartito.
A Mariña, 17 de decembro de 2009.- O deputado do Partido Popular de Galicia Jose Manuel Balseiro Orol indicou que, a luz dos datos proporcionados pola directora xeral de Infraestruturas da Xunta de Galicia, sobre o importante atraso e paralizacións ás que o bipartito someteu a tramitación administrativa do corredor da costa é posible deducir que tanto o ex-presidente da Xunta de Galicia como a anterior Conselleira de Política Territorial mentiron a todos os veciños da Mariña, de Ortegal e de Ferrol Terra. Á luz dos datos proporcionados sobre a situación na que se atopaba no momento do traspaso de poderes a execución do VAP Costa Norte, era imposible lograr que esta infraestrutura entrase en servizo no horizonte do 2011 tal e como prometeron ambos dirixentes da anterior Xunta bipartita. PSOE e BNG son, polo tanto –segundo o deputado popular- os máximos responsables da súa paralización e por iso chama a atención que agora pretendan ser os que poñen o grito no ceo cando existe un cronograma con previsións realistas e concretas para finalizar desta infraestrutura.
Balseiro lembrou que o Partido Popular e el mesmo, manifestáronse no Vicedo co obxecto de esixir a axilización do corredor da Costa e que con ese mesmo espírito o Grupo Popular reclama hoxe que o novo Goberno galego elabore unhas previsións de entrada en servizo do Corredor, cribles, rigorosas e que poidan facerse realidade achegando para elo os investimentos precisos. Nesta liña felicitouse porque en menos de 100 días, tras a chegada do Partido Popular á responsabilidade de Goberno, a nova Xunta adxudicou as obras de primeiro treito lucense, de inminente inicio. Segundo o incluído no DOGA, o tramo Celeiro – San Ciprián disporá dun orzamento de 32,3 millóns de euros.
EXPROPIACIÓNS NO 2010
A directora xeral de Infraestruturas da Xunta de Galicia, Isabel Vila Barbosa confirmou en resposta a preguntas do deputado popular Jose Manuel Basleiro, que o Goberno galego iniciará no ano próximo as expropiacións dun novo treito lucense do corredor, o denominado Viveiro Sur – Celeiro de 11,20 Km. “Os primeiros meses do 2010 –expuxo a representante da Xunta- aprobarase o proxecto de trazado o que dará inicio ao proceso expropiatorio durante este exercicio” Tamén confirmou que no 2010 rematarase o proxecto constructivo e de seguido no 2012 iniciaranse as obras, polo que a entrada en servizo deste novo tramo terá lugar no 2013-2014.
Isabel Vila adiantou así mesmos as previsións respecto do resto dos treitos lucenses. No relativo ao treito Covas –Viveiro Sur, de 2013, de 19,1 Km, as previsións son que no 2014 teña lugar tanto a fase de expropiacións como o inicio das obras de tal xeito que estará en servizo no 2015.
Finalmente con respecto ao treito Os Ramos-Covas, Isabel Vila adiantou que é o que “máis demorado” se atopa, “como consecuencia das continuas suspensións” que sufriu durante a pasada lexislatura En 2014 terán lugar as expropiacións, en 2015 a licitación, e estará en servizo antes do 2017
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
