BURELA (FNC) .- Xa están á venda as entradas para asistir ao concerto de solidaridade con Haití que organiza o Concello de Burela. Os interesados xa poden adquirilas desde hoxe na biblioteca municipal ou o mesmo día do concerto na Casa da Cultura.
A tenente de alcalde, Neves Cando, sinalou que “Burela váise solidarizar co pobo haitiano asolado polo terremoto que se produciu hai máis de 15 días, e váino facer co concerto solidario no que participarán unha boa mostra dos grupos musicais de Burela. Así contaremos coa banda de gaitas e tambores Dambara, coa Burela Blues Band, con Ledicia, coa Coral Polifónica e coa Banda de Música de Burela. Contabamos coa colaboración de Batuko Tabanka, pero por motivos luctuosos polo falecemento dun membro da comunidade caboverdiana de Burela, as mulleres de Batuko Tabanka non poderán estar en directo neste concerto, pero sí o farán a través dun videoclip pertencente ao disco que acaban de sacara á rúa e que recentemente presentamos no Concello de Burela”.
Neves Cando agradeceu “a todas estas agrupacións a súa colaboración desinteresada e solidaria neste acto que pretende aportar fondos económicos para enviar ao irmán país haitiano. O prezo das entradas é de cinco euros e os que o desexen poden retiralas desde hoxe na biblioteca municipal ou o día do concerto antes do seu inicio”. Cada grupo convidado interpretará tres pezas do seu repertorio e a duración do acto será de pouco máis dunha hora. O concerto será presentado pola xornalista de Telelugo Eva Vázquez.
A edil nacionalista engadiu que “todos os cartos recaudados serán enviados ao Fondo Galego de Cooperación e Solidaridade do que forma parte o Concello de Burela para canalizar esas axudas institucionais de toda Galicia. Este Fondo Galego ten aberta unha conta de emerxencia para recoller as axudas para o pobo haitiano e calquera que queira facer a súa aportación persoal pode pedir información nas nosas oficinas municipais”. Neves Cando convida a todos os veciños e veciñas de Burela a participar este vindeiro sábado no acto solidario por Haití que dará comezo ás 20:30 horas na Casa da Cultura.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
A actividade puxo o broche final ao Programa Integral de Envellecemento Activo Municipal cunha charla sobre a xestión emocional das enfermidades neurodexenerativas, impartida pola psicóloga Carmen Breijo, da Fundación Degén, quen ofreceu un espazo de reflexión, aprendizaxe e orientación. A sesión contou tamén coa presenza do concelleiro Alfredo Fernández, que destacou a importancia de crear espazos de participación, coidado e benestar para as persoas maiores. O Concello agradeceu a colaboración da Asociación de Xubilados Terramar e da Fundación Degén, así como a participación de todas as persoas asistentes.
No acto acompañará ao autor o filólogo e escritor Ramón Reimunde.
Trátase dun proxecto educativo pioneiro en Galicia que traballa a autoestima, a motivación e as intelixencias múltiples. A directora, Raquel Hermida, salienta que o programa busca fomentar o talento infantil a través de experiencias novas, traballo en equipo, creatividade e proxectos de emprendemento. A escola funcionará de 8:00 a 15:00 horas para facilitar a conciliación e ofrecerá talleres de oratoria, comunicación e intelixencia emocional, ademais de reforzo escolar, novas tecnoloxías e mecanografía. As persoas interesadas poden obter máis información no teléfono 982 58 50 98 ou no correo raquel@amarina.org.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
