SANTIAGO .- Asegura Adega que “Feijóo debería prorrogar a moratoria dos 500 m establecida na Lei de Medidas Urxentes que vence en maio xa que non se cumpren as premisas que xustifican esta medida cautelar: que os concellos costeiros teñan os seus PXOMs adatados á Lei do Solo”
Nota de Prensa
ADEGA pide a Feijóo que prorrogue a moratoria dos 500 m mentres non se aproba o Plano do Litoral
25 de xaneiro de 2010. A Xunta vén de apresentar hoxe o Plano do Litoral, documento non estará aprobado até finais deste ano. En consecuencia, Feijóo debería prorrogar a moratoria dos 500 m establecida na Lei de Medidas Urxentes que vence en maio xa que non se cumpren as premisas que xustifican esta medida cautelar: que os concellos costeiros teñan os seus PXOMs adatados á Lei do Solo de 2002 (só Vigo, A Pobra do Caramiñal e Laxe fixeron os deberes) ou que a Xunta aprobe o Plano do Litoral. Calquera outra decisión, como “levantamentos parciais” en determinados concellos sen ter aprobada a norma non sería máis que a continuación do “ti vai facendo” e reinstauraría a discrecionalidade, o amiguismo e a corrupción, denunciados polo Parlamento Europeo no seu Informe Auken.
Tampouco estaría de máis que con carácter previo ou alomenos, simultáneo, foran completadas e tramitadas as Directrices de Ordeamento do Territorio (DOT) que dende a chegada ao poder de Feijóo ficaron paralisadas.
No acto de hoxe falouse moito tamén da paisaxe e do afortalamento dos nosos espazos naturais como valores “activos” do noso litoral. ADEGA quere lembrar aos responsábeis da Xunta que o movemento se demonstra andando: seguimos a agardar polo catálogo e as directrices da paisaxe que consagra a lei 7/2008 da Paisaxe de Galiza, e polo que respecta á Rede Natura, a cativa proposta apresentada en 2007 pola Xunta aínda non víu a luz e fica tamén nun caixón, por non falar dos instrumentos de xestión destes espazos.
Sería tamén importante coñecer en que medida o POL vai condicionar o desenvolvemento de proxectos sectoriais en marcha: o Plano Acuícola (finalmente Feijóo deu por bó o do bipartito) ocupará espazos que están sendo “ordenados” no POL, e pode condicionar negativamente o desenvolvemento deste. O mesmo acontece co plano de Portos Deportivos, co Plano MOVE de estradas ou mesmo co Plano Eólico, que na zona costeira estanse a desenvolver con impactos ambientais e paisaxísticos brutais. ADEGA entende que son estes planos sectoriais os que deben supeditarse ao POL e non ao contrario. Mais de seguir o seu camiño, piscifatorías, pantaláns, viadutos (como o de Noia) e muíños acabarán valeirando de contido os pomposos obxectivos do Plano do Litoral apresentados hoxe.
O POL non pode ficar para “ordenar” as sobras que deixan estas planificacións insustentábeis en marcha, nen para “conservar” os territorios non urbanizábeis duns concellos que cada vez teñen máis facilidade para meter a man no chan rústico (modificacións da Lei do Solo, nova Lei Eólica, modificacións da Lei de Costas…). Estes mesmos concellos levan anos de retraso e amosan unha descarada desobediencia no cumprimento da Lei do Solo: tiveron 3 anos por lei para adatar os seus PXOMS dende o 2002 e estamos en 2010 !! Só Vigo, A Pobra do Caramiñal e Laxe son os concellos costeiros que fixeron os seus deberes.
Por iso un governo sensato debería parar no litoral o desenvolvemento deses instrumentos xeradores de “feitos consumados” e prorrogar a moratoria dos 500 m mentres non se aproba a planificación marco, o PXOM da costa, e os concellos póñense de verdade as pilas. E este POL debería tamén ter en conta que os 500 m non son un límite superior senón un ponto de partida. Tal aconteceu en Portugal e mesmo en Asturias, que consagrou esta franxa de protección no seu POL.
Dende ADEGA non podemos pedir menos á Xunta se de verdade pretende mudar a situación anterior á moratoria, o “todo vale” e o inexorábel proceso “marbellizador” que comezaba a estenderse pola nosa costa. Un levantamento total ou parcial da lei dos 500 m mentres se tramita o POL sería inxusto (para os concellos que cumpriron), xeraría inseguridade xurídica e perpetuaría o clientelismo, a política de feitos consumados e a corrupción endémica denunciada dende Europa no seu Informe Auken.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
