BURELA .- Anuncia a Consellería do Mar, a través de Portos de Galicia, que Burela contará nun mes coa ampliación do peirao comercial nunha lonxitude de 219 metros.
REFERENCIA
Burela contará nun mes coa ampliación do peirao comercial nunha lonxitude de 219 metros que mellorara a dispoñibilidade de atraque
A execución da ampliación do peirao comercial existente, logrará mais dispoñibilidade de atraque ás embarcacións pesqueiras e unha adecuada superficie de almacenamento
As obras incluiron a construción dunha nova rampla e explanada na zona interior do porto, entre os asteleiros e os peiraos de descarga xunto á lonxa climatizada
Estas obras teñen un investimento de 8.426.073,22 euros
Santiago, 31 de xaneiro de 2010.- A Consellería do Mar, a través de Portos de Galicia, anuncia que rematará as obras de ampliación do peirao comercial do porto de Burela, na provincia de Lugo no vindeiro mes de febreiro cumprindo os prazos previstos para a súa execución. Estas obras, de gran envergadura, contaron cun investimento de 8.426.073,22 euros.
O obxecto foi o de executar as obras necesarias para a ampliación do peirao comercial existente, logrando con elo mais dispoñibilidade de atraque ás embarcacións pesqueiras e unha adecuada superficie de almacenamento, permitindo ademais o atraque de buques de ata 5.000 TPM.
As obras consistiron na ampliación do actual peirao de mercadorías de Burela, para o que se proxectou unha prolongación do mesmo en dirección Este, cunha lonxitude de 219 metros e un ancho de 59 metros, en prolongación e ampliación do peirao existente e que ten como remate o martillo de protección e defensa do dique cun calado de 8 metros.
A explanada resultante, é duns 14.450 metros cadrados e consegue dotar á zona comercial dunha ampla zona de operacións, así como para a reubicación dos silos de cemento deixando liberado o espazo que ocupan para o uso pesqueiro. Farase unha dragaxe fronte ao novo peirao nunha anchura de 200 metros e calado igualmente de 8 metros.
Como consecuencia da ampliación do peirao, e dado que segundo os estudos efectuados, a oleaxe poda penetrar e producir axitación nos peiraos interiores, proxectouse un martillo conformado por un peirao espigón de 50 metros de lonxitude transversal a dita ampliación e que se ubica ao inicio desta. Este martillo disporá dun atraque interior de 6 metros de calado para uso pesqueiro e dunha escollera de amortiguación e defensa exterior.
Proxectouse tamén a construción dunha nova rampla e explanada na zona interior do porto, entre os asteleiros e os peiraos de descarga xunto á lonxa climatizada. Instaláronse tamén defensas de caucho verticais no muro de atraque da aliñación do peirao que se amplía, e o traslado do peche PBIP adaptado ás novas instalacións.
As melloras que se realizaron son debidas ao aumento da produción das empresas que utilizan o peirao para as súas operacións, xunto coa necesidade de dotar ao porto con suficiente atraque de uso pesqueiro que como resultado da ampliación se libera para este uso.
Para o alumeado das instalacións colocáronse catro novos puntos de luz con torres de 18 metros de altura. Estas torres van provistas de proxectores de 1.000 W distribuídos de forma que cubran toda a plataforma de traballo, incluíndo o alumeado dos cantís dos peiraos.
Para a ampliación do peirao comercial empregaranse boiardos de 850 kg, con defensas colocadas no paramento do peirao, mentres que para o peirao-espigón e os peiraos existentes, colocaranse boiardos de 650 kg, e defensas verticais de caucho. Tamén escalas metálicas de acceso encaixadas no paramento dos novos peiraos, que serán de aceiro inoxidable.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
