NOTA DE PRENSA:
O BNG anuncia o intento de desmantelar a área sanitaria da costa pola porta de atrás.
A Xunta de Galiza recoñece no Parlamento que o Xerente da Área de Xestión Integrada asumirá as funcións do Director do Hospital
A Xunta de Galiza, con data 20 de Xaneiro de 2010, ven de responder ao Bloque Nacionalista Galego en sé parlamentaria que a Consellaría de Sanidade está a traballar na elaboración dun decreto que vai regulamentar polo miúdo as funcións do Xerente da Área de Xestión Integrada Se ben nesta mesma resposta o Goberno Galego non fixa data para a o nomeamento do Xerente da Área de Xestión, a administración autonómica determina que as funcións do mesmo corresponderanse coas que viña desenvolvendo as direccións provinciais, afirmando asemade que a única área que funciona deste xeito é a de Ferrol.
A resposta que fan os responsábeis públicos, fan boas as peores previsións que os nacionalistas tiñamos analizado sobre a proposta de centralización do mapa sanitario e do recorte da autonomía de xestión do Hospital da Costa que pasará a depender das decisións que se tomarían en Lugo. Neste sentido Antonio Veiga afirmou que “polas vías dos feitos a creación da xerencia única vai significar unha perda de autonomía da Área sanitaria da Costa, abrindo a porta o desmantelamento da mesma até converterse nunha mera sucursal do Hospital de Lugo”. O Responsábel Comarcal do BNG, en relación co anunciado na resposta sobre que a única Area de Xestión en funcionamento é a de Ferrol, quixo recordar as palabras do xerente de Ferrol nunha xuntanza con sanitarios de Burela na que este exemplificaba o funcionamento dunha xerencia única do seguinte xeito: “Eu teño varios hospitais, se me falta un facultativo no Hospital de referencia, voto mao dun doutro hospital do ámbito da xerencia”. Asemade o Portavoz Nacionalista considerou de “falsas e escusas de mal pagador” as afirmacións recollidas na resposta de que non existe Plano Director do Hospital, “posto que é publico que ese documento existe e o que se pretende agora por parte da Consellaría e non acometer os investimentos a que este obrigaba así como ampliación do Hospital de Burela para albergar novos servizos”.
Non é menor, na opinión do BNG, a clarificación que se fai na resposta sobre a figura dos equivalentes do xerente de área cuxas función se homologan no Art.5º da Orde do 15 de xuño de 2009 sobre delegación de competencias en órganos centrais e periféricos do Servizo Galego de Saúde. Así no escrito de 20 de Xaneiro de 2010 refírese a disposición transitoria primeira de dita orde na que literalmente se afirma:” Mentres non se estableza a estrutura das áreas sanitarias, entenderanse por órganos equivalentes aos directores de área, os directores xerentes de atención primaria e especializada así como os directores provinciais, nos seus respectivos centros de gasto”. “Estamos logo diante da proba do algodón no sentido de que a propia Consellaría está a recoñecer, que unha vez que se poñan en marcha as xerencias da área de xestión integrada, estas absorberían as funcións que hoxe realiza o director do Hospital de Burela” afirmou Veiga.
A resposta de 20 de Xaneiro de 2010 deixa claro que a centralización da xestión sanitaria é un feito no plano de traballo do Goberno Galego e que as declaracións dos responsábeis do PP no sentido contrario non era máis que unha manobra propagandística que pretendía desmobilizar a sociedade da Mariña, para proceder ao desmantelamento da área da costa pola porta de atrás. Os nacionalistas diante da evidencia dos feitos esiximos un posicionamento claro do conxunto das forzas políticas da Mariña, nomeadamente do PP a quen lle demandamos que se posicione contra o exposto polo PP no Parlamento. Asemade desde o BNG queremos anunciar a presentación de mocións en todos os Concellos da Comarca e unha comparecencia no Pleno da Conselleira para que explique con que cronograma traballa o seu departamento para a entrada en funcionamento da Área de Xestión Integrada de Lugo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
