CERVO .- O alcalde de Cervo, Alfonso Villares, cualificou de “benvida” a chegada onte de maquinaria da Deputación provincial co obxecto de acometer traballos de limpeza de viais de titularidade local.
O rexedor agradeceu esta colaboración aos responsables da Deputación, os cales informaron ao alcalde do inicio destes traballos cando as máquinas xa comezaran a limpeza das cunetas no lugar do Castro, na parroquia de Castelo.
Neste senso o rexedor botou de menos “unha maior axilidade” por parte dos responsables provinciais para comunicarse co Concello e dar a coñecer as súas intencións. “Incluso ordenei á policía local que se desprazara ata alí para saber o que estaban a facer nun vial que non é da súa competencia, pero reboqueina en canto se me informaron do que estaban a facer” indicou Villares.
Segundo o alcalde, a premura dos responsables provinciais por empezar sen antes comunicalo no Concello provocou que unha das súas máquinas fixera estragos no muro dunha finca particular, “algo que teremos que arranxar nós agora e que se suma á larga lista de tarefas que ten que acometer a nosa plantilla, a cal está saturada de traballo a raíz das riadas da fin de semana. E todo por non dirixirse antes a nós para informarnos do que ían a facer e consensuar con tempo suficiente as zonas onde actuar” sinalou o alcalde.
Ao marxe desta descoordinación inicial, o alcalde de Cervo valorou positivamente esta axuda e desexou que esta cesión de maquinaria da Deputación supoña “uns novos tempos á hora da relación entre distintas administracións, a cal, penso que sempre debe ser boa, porque redundará en beneficio dos veciños, que ao fin e ao cabo é a quen nos debemos” dixo.
Así mesmo lembrou que concellos pequenos coma o de Cervo vénse incapaces en moitos casos de asumir todas as competencias que posúen “e hai momentos nos que nos estamos desbordados para facer fronte ao mantemento de tódolos servizos cos medios que contamos. Por iso, a axuda dunha administración máis forte sempre é benvida, sobre todo da Deputación, a cal levaba dous anos esquecéndose de nós para este tipo de arranxos”. Villares confiou en que a axuda da Deputación non sexa puntual e se poida repetir de xeito regular noutros traballos coma o acondicionamento de praias nas datas previas á época estival “algo que ata o momento non ten acontecido” asegurou.
Segundo o rexedor cervense, os traballos iniciados onte prolongarase ao longo dos vindeiros días e serán coordinados dende o Concello coa Deputación en base ás necesidades marcadas polo servizo de Obras municipal “xa que son os que mellor coñecen as prioridades e as necesidades a solventar. Así llo fixen saber á representante da Deputación” dixo Villares.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
