Nota de Prensa
O BNG PÍDELLE AO PP MENOS ANUNCIOS E MAIS TRIGO
Os nacionalistas cren fundamental a creación dun Centro De Día mais dubidan da súa posta en marcha nesta lexislatura.
De momento o único que hai e un anteproxecto sen fondos para a súa execución nin modelo de funcionamento.
Durante catro anos o goberno local freou a posta en marcha deste servizo en Cervo ao esixir un Centro de Día por parroquia.
Cervo, 19 de xaneiro de 2010. O BNG saíu ao paso das declaracións do alcalde de Cervo nas que en compaña da Conselleira de Benestar anunciou a construción dun Centro de Dia e Residencia en San Cibrao. Para o BNG a creación deste equipamento en Cervo e moi positiva xa que dende fai tempo e unha necesidade vital para o concello, o lamentábel e que se pretenda converter nunha realidade o que hoxe aínda e un anteproxecto susceptíbel de modificacións, sen fondos para a súa execución e sen aclarar como se vai financiar o seu funcionamento.
O PP de Cervo perdeu catro anos con esixencias imposíbeis que agora pasan á historia
O portavoz municipal do BNG, Xoán Estúa, manifestou a necesidade dun equipamento social que atenda as necesidades dos e das maiores cervenses que precisan de atención especializada e de calidade cun servizo de carácter público, neste sentido considerou boa noticia que agora o goberno local admita esta necesidade que negou nos últimos catro anos ao non querer admitir o modelo de xestión impulsado polo anterior goberno galego medíante o Consorcio de Igualdade e Benestar ao que o PP nunca se quixo adherir, castigando con elo á cidadanía cervense sen un servizo necesario e imprescindíbel. O PP dedicouse durante catro anos a poñer atrancos ao anterior goberno con condicionantes tales como a esixencia de construción dun Centro de Día en cada Parroquia do concello, lembrou Estúa.
De momento o único que hai e un anteproxecto sen prazos de execución nin fondos para financialo
O BNG aclarou que a Conselleira e o Alcalde “o único que teñen a día de hoxe e un anteproxecto financiado con cargo ao Plan Concertado e aínda obxecto de revisión que nin está aprobado, nin conta con financiamento para a súa execución e moito menos se sabe cal vai ser o modelo de xestión e por tanto que administración se vai facer cargo da súa dotación de equipamentos e persoal.” O portavoz municipal nacionalista, Xoán Estúa, lembrou que de momento a Consellaría de Benestar só financiou a redacción do anteproxecto cun investimento de 58.000 euros medíante un convenio con cargo ao Plan Concertado, “un sistema curioso para este tipo de investimentos xa que o Plan Concertado financia servizos e non equipamentos como e o caso de Cervo”
As persoas maiores de Cervo non queren maquetas de xoguete senón realidades
“Estúa pediu ao Alcalde que antes de expoñer publicamente edificios de xoguete que diga cando e con cargo a que partidas se vai financiar a execución das obras xa que nos orzamentos 2010 da Consellaría de Benestar non figura ningunha partida especifica para este fin”, desta maneira pediulle ao alcalde moderación nos arrebatos propagandísticos, “recomendándolle a Villares que dedique os seu tempo e esforzos á execución da obra e non a exposición de maquetas para autobombo e propaganda”
Os nacionalistas queren un modelo de xestión pública e non admiten atallos privatizadores
Moitas mais dúbidas ten o BNG en canto ao modelo de financiamento do persoal que deberá atender un equipamento de estas características, “si xa o sistema escollido para financiar a redacción do anteproxecto e cando menos estraño, ou que a propia Conselleira aínda non sabe como se vai financiar a súa construción, moitas mais dúbidas temos a respecto do modelo de xestión e como vai ser financiado o persoal para o seu funcionamento”, afirmou Estúa. O portavoz nacionalista advertiu que “non serven atallos privatizadores”, lembrando que o pouco que fixo o PP en materia social no anterior goberno de Fraga, foi usar fondos públicos para construír equipamentos sociais que despois foron privatizados. Neste sentido agarda que se aclare o modelo de xestión e como se vai financiar o seu mantemento.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
