CERVO .- O Concello de Cervo non quere que ningún veciño perda a oportunidade de ver a televisión por non dispoñer do imprescindible sintonizador de Televisión Dixital Terrestre, agora que está próximo o “apagón analóxico”. Por iso o compromiso da administración local non se limita á tramitación, dun xeito totalmente gratuíto, das axudas que están previstas en apoio de determinados colectivos con especiais dificultades, senón que ademais operarios municipais irán a recoller o sintonizador TDT á Xefatura Provincial de Inspección de Telecomunicacións en Lugo e procederán a organizar a súa entrega, xa en Cervo, nas dependencias municipais, entre todos os beneficiarios das axudas.
Desde a Axencia de Emprego e Desenvolvemento Local informan que como requisitos para obter o sintonizador TDT de xeito gratuíto, se esixe a residencia no termo municipal cervense e, como mínimo unha destas tres características: Ou ter máis de 65 anos e unha dependencia recoñecida de grado II ou III, ou ter un grao de discapacidade auditiva ou visual igual ou superior ao 33% ou, finalmente ter máis de 80 anos e vivir solo ou en compañía doutra persoa tamén maior de 80 anos. No teléfono 982 55 77 77 ofrecen máis información ao respecto destas axudas así como da documentación acreditativa dos requisitos antes mencionados que habería que aportar coa solicitude de axuda.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
