Nota de Prensa
O BNG DE FOZ AFIRMA QUE O GOBERNO MUNICIPAL NON FIXO NADA POR ABRIR A GALESCOLA
A Xunta afirma que as instalacións están aínda sen entregar
“Se a Galescola non se abre antes de abril será por culpa duns gobernantes incompetentes”
Foz, 22 de Xaneiro de 2010.- O BNG de Foz acaba de recibir a contestación por escrito á pregunta que o noso grupo parlamentar, a través dos deputados Carlos Aymerich e Fernando Blanco, lle fixera á Consellaría de Traballo e Benestar sobre as causas do retraso na apertura da Galescola de Foz. Esta pregunta fora formulada no Parlamento de Galiza en setembro de 2009.
Na súa contestación, a Consellaría de Traballo achaca o retraso na apertura da escola infantil ao Concello de Foz dado que “na visita do mes de outubro, dende a Consellaría de Traballo e Benestar entregouse ao Concello un escrito no que se recollía a documentación por enviar ao Consorcio en relación coa obra”. Esto ven a confirmar o que o BNG xa lle botara en cara ao alcalde e que este negara, esto é, que non cumprira coas claúsulas do convenio no que se dicía claramente que a entrega do local con todos os servizos tiña que realizala o Concello nos dous meses seguintes á sinatura do Convenio, é dicir, antes de marzo do ano pasado.
Pero quizás o máis grave do asunto é que na mesma resposta a Consellaría de Traballo afirma que a documentación que en outubro se lle requiría ao Concello aínda non foi recibida a día de 15 de xaneiro de 2010, día en que está asinado o escrito. Esto quere dicir que o Grupo de Goberno Socialista non fixo o que tiña que facer neste tempo: dar de alta os servizos de telefonía, adsl, luz, auga, gas e calefacción así como poñer a disposición da Xunta as instalacións. Polo tanto, esto é unha mostra máis da despreocupación e da irresponsabilidade dun goberno diante dun servizo social e educativo tan necesario e urxente para Foz. O BNG reiteralle ao alcalde, á vista dos feitos, que deixe de enganar ao pobo de Foz e non se demore máis na entrega do local.
Desde o BNG facemos unha vez máis unha chamada á responsabilidade e á seriedade por parte do Goberno Municipal e da Xunta para que se poñan de acordo e cumpran cos seus compromisos. Así, queremos e esperamos ver aberta a galescola neste primeiro trimestre do ano como se ten afirmado. Se non fose así, o BNG estará disposto a denunciar firmemente o desagravio que se fai con Foz e afirma que se a escola infantil non se abre é por culpa exclusivamente duns gobernantes incompetentes e que non dan a talla.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
