Nota de Prensa
O GPPP acusa á Deputación de poñer en perigo a seguridade vial pola súa desidía en subsanar defectos de obra nunha estrada de Xove
* Os populares suliñan que dende o pasado 30 de novembro, data na que o Concelle comunicou por escrito as deficiencias detectadas no vial Beltrán-Portiño de Morás, teñense contabilizado numerosos accidentes
* González Barcia acusou ademais a Manuel Martínez de “acaparar” para “uso e disfrute exclusivo do seu concello” un equipo de rego asfáltico propiedade da Deputación
Xove, a 15 de xaneiro de 2010.- A desidía da Deputación de Lugo á hora de subsanar as deficiencias nas obras acometidas no vial Beltrán-Portiño de Morás, no concello de Xove, están a poñer en perigo a integridade física das persoas que circulan por ela. Proba delo son os numerosos accidentes que se teñen producido nesta estrada a pesar de que a administración provincial ten coñecemento desta situación dende o pasado 30 de novembro, a través dunha notificación remitida polo propio Concello de Xove.
O voceiro adxunto do Grupo provincial do Partido Popular José María González Barcia, en compaña do rexidor local Demetrio Salgueiro, comprobou hoxe in situ que, pese ó tempo transcurrido, nada se fixo para solventar os problemas existentes nesta estrada que rexistra unha gran densidade de tráfico.
Aínda que o caso de Xove non é único na provincia, dado que en moitos concellos se están a detectar queixas polas deficiencias nas obras acometidas nas estradas de competencia da Deputación, os representantes populares inciden en criticar ó responsable de Vías e Obras, Manuel Martínez, e o propio Presidente José Ramón Gómez Besteiro, por poñer en risco a integridade dos usuarios desta estrada a sabendas do peligro existente “porque as obras de mantemento executadas deixarona aínda peor do que estaba”.
Barcia e Salgueiro consideran inxustificable esta deixadez e lembran que o problema estriba en que á calzada aplicouselle dúas capas de gravilla e unha soa de rego asfáltico. “O Sr. Martínez non empregou eiquí aglomerado en quente pese a que durante a súa etapa como xefe de filas da oposición provincial avogaba polo seu emprego de xeito xeneralizado. Lástima que agora non aplique o que antes con tanto énfase demandaba”, indicaron.
Suliñaron ademais os populares que no POS de 2006 estaba incluido un proxecto para ensanchar e mellorar esta estrada. Un plan que, segundo recalcaron, foi paralizado coa chegada do bipartito a administración provincial. “Se a excusa para retrasar a execución da obra eran a expropiación dos terreos, agora xa non vale, porque o expediente de expropiación xa está rematado. Nada impide á Deputación executar esa obra e si non o fai pronto, perderánse os cartos previstos para ela”, engadiron.
González Barcia acusou ademais a Manuel Martínez de “acaparar” para “uso e disfrute exclusivo do seu concello” un equipo de rego asfáltico propiedade da Deputación, o que, segundo asegurou, obrigou ó Presidente Gómez Besteiro a adquirir un novo equipo para dar servizo ó resto dos municipios da provincia. “Unha mostra máis de que Martínez vai por libre e Besteiro lle deixa facer, aínda que ese proceder supoña un claro agravio comparativo para o resto dos concellos da provincia”, engadiu.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
