BURELA .- O sindicato UXT costa lucense elixiu nova comisión executiva do Metal e Afíns durante o IX Congreso de Metal, Construción, e Afines. A nova comisión executiva da Costa lucense fórmana Luís Martínez Cardoso, Secretario Xeral; Manuel José Fernández, Secretario de Organización; Ramiro Fernández Rey, Secretario de Administración e Recursos; José Antonio Rodríguez Lorigados; Secretario de Política Sindical Sectorial e Xuventude; e Rogelia Martiña Pernas, Secretaria de Formación e Emprego.
Nota de Prensa
Gómez Besteiro tende o apoio “sen fisuras” aos traballadores para saír da crise
– O titular do organismo provincial clausura IX Congreso de Metal, Construcción, e Afines-UXT Costa Lucense onde se elexiu á nova Comisión Executiva
– O Presidente subliña que ante a crise ou se recortan os Presupostos como fixo a Xunta, ou se recorre ao endebedamento para facer políticas produtivas
O Presidente da Deputación, José Ramón Gómez Besteiro, acompañado pola Vicepresidenta Segunda, Lara Méndez, clausurou este venres o IX Congreso de Metal, Construción, e Afines-UXT Costa Lucense onde se elexíu a nova Comisión Executiva. Durante o acto, Gómez Besteiro avogou pola non flexibilización laboral, e tendeu o apoio “sen fisuras” aos traballadores para saír da crise.
O titular do organismo provincial felictiou ao reelexido Secretario Xeral, Luís Martín Cardoso, e os demais membros da Comisión MCA-UXT da Mariña, e ofreceulles “a máxima colaboración da Deputación para afrontar os retos que se lles presenta debido ás dificultades económicas”.
Gómez Besteiro salientou que ante a crise, as administracións poden actuar de dúas formas: recortando os Presupostos baixo a premisa da redución de ingresos, ou recorrer ao endebedamento. “Iso é o que fixo a Deputación. Decidíu romper coa tendencia á baixa da Xunta, e endebedouse sen medo aos pagos que temos que facer fronte, e conseguindo que sexa o ano de maior inversión”, destacou.
O organismo provincial vén de aprobar os Orzamentos para 2010 dotados de 143.695.391 euros, o que supón un incremento de 1.557.093 euros con respecto a 2009, é dicir un 1,10%. Neste senso, o Presidente do organismo provincial, explicou que “é un Presuposto anticíclico, xa que nestes momentos nos que falta a iniciativa privada é cando as institucións públicas deben aumentar a capacidade inversora”.
O máximo mandatario provincial incidiu en que “a Deputación vai facer todo o que esté nas súas mans para que o 2010 sexa o último ano de crise, pero por este camiño temos que traballar todos xuntos: administracións, empresarios, e traballadores”.
Da mesma forma, Gómez Besteiro avanzou que, nos vindeiros meses, a Deputación porá en marcha na Mariña o Pacto Provincial polo Emprego no que o organismo provincial inviste preto de 4 millóns de euros para facer fronte ao desemprego.
A nova Comisión Executiva de Metal, Construcción, e Afines-UXT da Costa lucense que se consolidou durante esta xornada, queda da seguinte maneira: Luís Martínez Cardoso, Secretario Xeral; Manuel José Fernández, Secretario de Organización; Ramiro Fernández Rey, Secretario de Administración e Recursos; José Antonio Rodríguez Lorigados; Secretario de Política Sindical Sectorial e Xuventude; e Rogelia Martiña Pernas, Secretaria de Formación e Emprego.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).