NOTA DE PRENSA
O voceiro de Mar do Grupo Popular, José Manuel Balseiro, nega que a Xunta estea a obstaculizar os trámites, senón que, ben ao contrario, negociou co Goberno central a prórroga do limitado prazo establecido pola lei estatal
O PP LÉMBRALLE AO PSOE QUE A ENORME CARGA BUROCRÁTICA DAS CAPITANÍAS MARÍTIMAS, DEPENDENTES DE FOMENTO, MANTÉN ATASCADOS GRAN PARTE DOS EXPEDIENTES DE REGULARIZACIÓN DAS EMBARCACIÓNS
· O Goberno galego logrou consensuar coas Capitanías marítmas que estas adoptasen criterios uniformes respecto dos requisitos que deben cumprir as embarcacións legalizadas.
* Malia o esforzado traballo dos funcionarios das Capitanías Marítimas, a finalización do proceso de legalización se está a dilatar no tempo.
· Os populares subliñan que incluso é o Goberno socialista de Zapatero o que dicta normas, como o Decreto estatal 1549/2009, sobre ordenación do sector pesqueiro, que impón novos obstáculos no xa de por si complicado proceso administrativo de regularización.
Santiago, 12 de xaneiro de 2010.- O voceiro de Mar do Grupo Parlamentario Popular, José Manuel Balseiro Orol, lamenta que o PSdeG non teña máis argumentos para facer política que a manipulación da realidade, como demostra coas súas críticas ao respecto dunha hipotética responsabilidade da Xunta ante o atraso que está a producirse no proceso de regularización das embarcacións pesqueiras. Balseiro Orol lémbralle aos socialistas que esta situación é consecuencia da enorme carga burocrática que están a soportar as Capitanías Marítimas, organismos que dependen non da Xunta senón do Ministerio de Fomento. É polo tanto responsabilidade do Goberno socialista central acelerar todo este proceso para cumprir os prazos establecidos pola lei. O deputado nega que a Xunta estea a obstaculizar os trámites, senón que, ben ao contrario, negociou co Goberno central a prórroga do limitado prazo establecido pola lei estatal.
Balseiro lembra, así mesmo, que o Goberno galego logrou consensuar coas Capitanías marítmas que estas adoptasen criterios uniformes respecto dos requisitos que deben cumprir as embarcacións legalizadas. Sen embargo, explica que malia o esforzado traballo dos funcionarios das Capitanías Marítimas alí se atascan os expedientes e consecuencia disto se está a dilatar no tempo a súa finalización.
O voceiro de Mar do Grupo Popular salienta tamén que o Goberno socialista de Zapatero “non está a contribuír a solucionar esta problemática”, máis ao contrario, dicta normas como o Decreto estatal 1549/2009, sobre ordenación do sector pesqueiro, que impón novos obstáculos no xa de por si complicado proceso administrativo de legalización dos buques pesqueiros. A nova norma obriga a retrotraer os expedientes e a requirir novos informes aumentando o tempo de tramitación. Consecuencia disto, Balseiro Orol amosa a súa sorpresa polas críticas do PSOE e sobre todo cuestiona o repentino interese dos socialistas respecto deste asunto, tendo en conta que durante os dous últimos anos nos que o bipartito estivo na Xunta, “nin socialistas nin nacionalistas moveron un só dedo para axilizar esta tramitación, nin requirir ao Goberno central a corrección das deficiencias detectadas”.
MAR LIDERA A DEFENSA DOS INTERESES DE GALICIA
Balseiro Orol explica que foi precisamente a Consellería do Mar –do PP- a que consciente das problemáticas que estaban a xurdir no proceso de regularización das embarcacións, comprometeuse na defensa do sector pesqueiro galego e mantivo múltiples contacto co Goberno central co obxecto de buscar posibles solucións. Así, negociou diante da Administración central a prorroga ata abril do limitado prazo para realizar as inscricións das embarcacións nos rexistros, demandou tamén que non se apliquen baixas de oficio e consensuou negociando coas Capitanías Marítimas a aplicación de criterios uniformes á hora de aplicar a lei xa que, ata o momento, as Capitanías estaban a informar de xeito diferente e incluso contraditorio os distintos expedientes e legalización das embarcacións pesqueiras.
O PSOE DEBE MIRARSE A SI MESMO SE BUSCA UN RESPONSABLE
O voceiro do Mar empraza ao PSOE, polo tanto, a dirixir a mirada sobre si mesmo para atopar ao responsable do bloqueo na legalización de máis de 1.500 embarcacións galegas e emprázalle a achegar solucións. En todo caso, amosa a máxima disposición do Grupo Popular e con toda seguridade tamén da Consellería do Mar para colaborar na procura dunha fórmula que garanta a continuidade e total operatividade das embarcacións galegas que teñen pendente os trámites para a súa regularización. Eso si piden ao PSOE maior rigor e coherencia xa que mentres que agora demandan á Xunta que contrate unha asesoría externa para acelerar todos os trámites administrativos dos que é competente a administración autonómica, antes censuraron que a Consellería do Mar acudira a unha empresa de recoñecido prestixio neste ámbito (Bureau Veritas) para asistila nesta materia.
O PP lembra que a decisión definitiva sobre o proceso de legalización destas embarcacións e a súa correspondente inscrición nos rexistros públicos que permiten que o barco poida ser despachado para a súa actividade pesqueira dependerán da Administración central, malia algúns dos trámites previos se realicen ante a Xunta.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
